«Jolaýshylar duǵa oqyp, bortta dúrbeleń bastaldy»: Almaty–Aqtaý reısinde tótenshe jaǵdaı oryn aldy

Foto: facebook.com/airastana

Air Astana áýe kompanııasynyń ushaǵynda áýede tehnıkalyq aqaý tirkeldi, dep jazdy qandastar.kz

Bul týraly Stan.kz aqparat agenttigi habarlaıdy.

Áleýmettik jelide ushaq bortyndaǵy jaǵdaı týraly vıdeo taraǵan bolatyn. Jolaýshylardyń aıtýynsha, ushaq áýege kóterilgen kezde borttan bógde búr túrli shýyl shyqqan. Al 30-40 mınýttan keıin ushaq tómendegen.

Reıs kezinde bolǵan oqıǵa jolaýshylardy qatty qorqytyp, bortta úreı týǵyzǵan.

«Adamdar duǵa oqyp, áıelder jylady, stıýardessalardyń da júzderinen qorqynysh baıqaldy. Bir sátte borttan «dalaǵa shuǵyl qonýǵa týra keledi» degen habar tarady. Stıýardessanyń daýsy dirildep, úreıge toly boldy», – deıdi jolaýshylardyń biri.

Ushaqtyń tómendeýi shamamen 10–15 mınýtqa sozylǵan. «Bir kezde salonda dúrbeleń bastaldy – adamdar oryndarynan turyp, stıýardessalar jol boıymen júgirip júrdi», – delingen jazbada.

Air Astana áýe kompanııasynyń baspasóz qyzmeti Almatydan Aqtaýǵa shyqqan ushaq shuǵyl qonýǵa májbúr bolǵanyn rastady.

“31 tamyzda Almaty-Aqtaý baǵytyna shyqqan KS 859 reısiniń ekıpajy Aqtaýǵa jete bere, tehnıkalyq aqaý týraly habar berip, nusqaýlyqqa saı birinshi bolyp qonýǵa ruqsat surady. Osydan keıin ol qaýipsiz eshelonynyń kómegimen Aqtaý áýejaıyna aman qondy”, — dep málime etti kompanııanyń baspasóz qyzmeti.

Qazir ushaqtaǵy aqaý neden shyqqany tekserilip jatyr.

“Atalǵan reıstiń búkil jolaýshylary basqa áýe kemesine aýystyryldy”, — delingen resmı málimette.