جولاۋشىلار پويىزىنا بيلەت ساتىپ الاتىن

ەلىمىزدە جولاۋشىلار پويىزىنا بيلەت ساتىپ الاتىن رەسمي سايت (epay.railways.kz) جۇمىس ىستەۋىن توقتاتادى. «2019 جىلدىڭ 15 قىركۇيەگىندە epay.railways.kz سايتىنىڭ جابىلۋىنا بايلانىستى, 1 تامىزدان باستاپ ەلەكتروندىق تەمىرجول بيلەتىن ساتىپ الۋ جانە پايدالانۋشىلاردىڭ تىركەلۋ قىزمەتى جابىلادى», – دەلىنگەن حابارلمادا. دەگەنمەن, 2019 جىلدىڭ 1 تامىزىنان باستاپ 45 كۇن ارالىعىندا ساتىپ العان ەلەكتروندى بيلەتتەرىن قايتارۋ جانە باسىپ شىعارىپ الۋ مۇمكىندىگى ساقتالادى. «2019 جىلدىڭ 1 تامىزىنان باستاپ تەمىرجول بيلەتتەرىن bilet.railways.kz سايتىنان ساتىپ الۋعا مۇمكىندىك بەرىلەدى. قولايسىزدىق ءۇشىن كەشىرىم وتىنەمىز!» دەلىنگەن حابارلامادا.

ەلوردا ينفو