Таксидегі қорқыныш: Жаңа адамдар алымсақтықты бастан өткерген жандармен тілдесті

Фото: қордан алынды

Өткен жылдың желтоқсанында желіде Астана – Қарағанды бағытындағы сапар кезінде сұр Toyota Camry көлігінде алымсақтыққа ұшыраған қыздың қайғылы оқиғасы жарияланды. Бұл оқиға әлеуметтік желілер мен БАҚ беттерінде тез тарап кетті. Қыздар пікірлерде оны талқылап, ұқсас оқиғаларымен бөлісіп, бір-бірін ескерту жасаған болатын, деп жазды qandastar.kz

Көп ұзамай белгілі болды: бұл бірінші рет емес. Ондаған қыз ұқсас жағдайға тап болған. Сол  Toyota Camry жүргізушісі өзін жөнсіз ұстап, жолаушы қыздарға тиіскен, тіпті есіктерді құлыптап, көліктен шығуға мүмкіндік бермеген. Бұл оқиға қоғамда үлкен резонанс тудырғаннан кейін полиция іске араласты.

Бұл ретте Жаңа адамдар өз тергеуін жүргізді.

«Біз алымсақтыққа ұшыраған қыздармен байланыстық. Уақыт өте келе үшеуі сұхбат беруге келісті. Олардың оқиғалары бір-бірімен толық сәйкес келеді. Сұр Toyota Camry көлігінің жүргізушісі әрдайым бірдей әрекет жасаған. Алдымен ол қыздарды артқы орындарға басқа жолаушылар отырады деп алдап, алдыңғы орынға ауысуға көндірген. Кейін тиісіп, қолына ие болмай, өзін әдепсіз ұстай бастаған. Жәбірленушілер оны тоқтатуға немесе көліктен шығуға тырысқанда, ол есіктерді құлыптап, көлікте қалуға және қорқыныш пен үрейді сезінуге мәжбүрлеген. Алымсақтық фактісі бойынша полицияға арыз түсірген қыздың айтуынша, одан бөлек тағы 17 адам полицияға жүгінген», — деді қор өкілдері.

Жаңа адамдар бұл таксистің аты-жөнін анықтай алды. Ол – 1988 жылы туған азамат. Өкінішке қарай ол өз кінәсін мойындап, жапа шеккендерден кешірім сұраудың орнына істі «жабуға» тырысқан.

Жаңа адамдар ескертеді:  Таксидегі алымсақтық – үлкен қылмыс.