«1,3 mlrd teńge shyǵyn»: Qazaqstannyń sport salasyndaǵy birqatar bylyǵy áshkerelendi

Foto: ashyq derekkóz

Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov «Artsport» baǵdarlamasyna bólingen qarjyny jymqyrý kúdigine ilikkenderge qatysty sotqa deıingi tergeý amaldarynyń aıaqtalǵanyn aıtty, dep habarlaıdy qandastar.kz   Skifnews.kz aqparat portalyna silteme jasap.

«Memleket basshysynyń tapsyrmasyn iske asyrý sheńberinde Sybaılas jemqorlyqqa qarsy qyzmet sportty qarjylandyrý salasyndaǵy jemqorlyq táýekelderin boldyrmaý maqsatynda memlekettik uıymdar men mekemelerdiń qyzmetin tekserýdi jalǵastyrýda. Jyl basynan beri Sybaılas jemqorlyqqa qarsy qyzmet 1,3 mlrd teńge shyǵynmen 59 qylmystyq quqyq buzýshylyqty tirkedi», – dedi Danııar Bıgaıdarov agenttikte ótken baspasóz máslıhatynda.

Osy oraıda Antıkor arnaıy jattyǵý sekııalaryn qosarlanǵan qarjylandyrýdyń, jalǵan oqý-jattyǵý jıyndaryna jáne jan basyna shaqqandaǵy qarjylandyrýǵa bólingen bıýdjet qarajatyn jymqyrý áreketterin áshkerelegen.

«Atap aıtqanda, Týrızm jáne sport mınıstrliginiń «Sportty damytý dırekııasy» RMQK burynǵy dırektoryna, onyń orynbasaryna jáne basqa tulǵalarǵa qatysty sotqa deıingi tergeý aıaqtaldy. Olar «Artsport» baǵdarlamasymen balalardy oqytý boıynsha qyzmetter kórsetý sheńberinde bıýdjet qarajatyn jymqyrdy degen kúdikke ilindi. Sonymen qatar, «Azııa oıyndary-2023» sportshylarynyń jabdyqtaryn, sporttyq qyzmetterdi, sporttyq jabdyqtardy jáne is-sapar shyǵyndaryn satyp alýǵa bólingen bıýdjettik aqshany ıelenýdiń qosymsha epızodtary belgilendi», – deıdi ol.