1 دوللار 500 تەڭگە: تەڭگە قۇلدىراپ بارادى

فوتو: اشىق دەرەككوز

ۇلتتىق بانك تەڭگەنىڭ السىرەگەنى تۋرالى العاش رەت پىكىر ءبىلدىرىپ, زەينەتاقى قورى ءۇشىن KASE بيرجاسىندا دوللاردى ساتىپ الۋ توقتاتاعانىن حابارلادى, دەپ جازادى qandastar.kz Alash.KZ-كە سىلتەمە جاساپ.

بۇگىن تاڭەرتەڭ ايىرباستاۋ باعامىندا ءبىر دوللار 500 تەڭگەگە جۋىقتادى.

ۇلتتىق بانك شەتەل ۆاليۋتاسىنا سۇرانىستىڭ كوبەيۋىنە بيۋدجەت شىعىستارىنىڭ ارتۋى, ينفراقۇرىلىمدىق جانە ينۆەستيتسيالىق جوبالارعا جۇمسالاتىن شىعىندار سەبەپ دەپ ەسەپتەيدى. ەكىنشى جاعىنان, ۇلتتىق قور اۋدارىمدارى دا بار دەپ تۇسىندىرەدى.

ۇلتتىق بانك توراعاسىنىڭ ورىنباسارى ءاليا مولدابەكوۆا, اكتيۆتەر قۇنىنىڭ ءوسۋى اياسىندا زەينەتاقى قورىنىڭ ۆاليۋتالىق ۇلەسىن 40 پايىزعا ۇلعايتۋ جونىندەگى مىندەت قازىردىڭ وزىندە ورىندالعانىن ايتتى.

سوڭىندا ۇلتتىق بانك ايتارلىقتاي قۇبىلمالىلىق بايقالعان جاعدايدا ۆاليۋتالىق ينتەرۆەنتسيالار جۇرگىزىلەتىنىن جەتكىزدى.