جاڭالىقتارقارجى جانە تولەمدەر
1 قاڭتاردان باستاپ نە وزگەرەدى?
فوتو: BAQ.KZ
جاردەماقى وسەدى
قازاقستاندىقتاردىڭ ومىرىندە 2025 جىلعى 1 قاڭتاردان باستاپ نە وزگەرەتىنىن BAQ.KZ qandastar.kz
ايلىق ەسەپتىك كورسەتكىش وسەدى
2024 جىلعى 1 قاڭتاردان باستاپ ايلىق ەسەپتىك كورسەتكىش (اەك) 3 692 تەڭگە بولدى, ەندى 2025 جىلدان باستاپ 3 932 تەڭگە بولادى. سايكەسىنشە, الەۋمەتتىك تولەمدەر كولەمى دە, ايىپپۇل كولەمى دە ارتادى.
ەڭ تومەنگى جالاقى قانشا بولادى?
2025 جىلى 1 قاڭتاردان باستاپ ەڭ تومەنگى جالاقى 85 مىڭ تەڭگە, ياعني 2024 جىلداعىداي دەڭگەيدە قالادى.
ال ەڭ تومەنگى كۇنكورىس دەڭگەيى – 46 228 تەڭگە (قازىر 43 407 تەڭگە) بولادى.
زەينەتاقى قانشا تەڭگە بولادى?
ەڭبەك مينيسترلىگىنىڭ دەرەگىنشە, ىنتىماقتى زەينەتاقى مولشەرىن قولايلى دەڭگەيدە ۇستاپ تۇرۋ ءۇشىن ولاردىڭ مولشەرى جىل سايىن ينفلياتسيا دەڭگەيىنەن ەكى پايىزعا وزىپ يندەكستەلەدى.
2025 جىلدان باستاپ:
– ەڭ تومەنگى مولشەرى – 32 360 تەڭگە (ايلىق مينيمۋمنىڭ 70 پايىزى);
– ەڭ جوعارى سوما – 50 851 تەڭگە (ايلىق مينيمۋمنىڭ 110 پايىزى).
بازالىق جانە بىرلەسكەن تولەمدەردى ەسكەرە وتىرىپ, زەينەتاقىنىڭ جالپى مولشەرى:
– زەينەتاقىنىڭ ەڭ تومەنگى مولشەرى – 95 131 تەڭگە;
– زەينەتاقىنىڭ ەڭ جوعارى مولشەرى – 213 046 تەڭگە;
جاردەماقى وسەدى
بالا تۋعان انالارعا ءبىر رەتتىك مەملەكەتتىك جاردەماقى بەرىلەدى:
– 1-3 بالانىڭ تۋىنا ءبىر رەتتىك تولەم 38 اەك – 149 416 تەڭگە;
– 4 جانە ودان دا كوپ بالاعا 63 اەك – 247 716 تەڭگە.
ال بالا 1,5 جاسقا تولعانعا دەيىن ونىڭ كۇتىمىنە اي سايىن جاردەماقى بەرىلەدى.
جۇمىس ىستەمەيتىن ايەلدەرگە رەسپۋبليكالىق بيۋدجەتتەن مىناداي جاردەماقى بەرىلەدى:
– ءبىرىنشى بالاعا – 5,76 اەك, ول 22 648,32 تەڭگە;
– ەكىنشى بالاعا – 6,81 اەك, ول 26 776,92 تەڭگە;
– ءۇشىنشى بالاعا – 7,85 اەك, ياعني 30 866,2 تەڭگە;
– 4 جانە ودان دا كوپ بالاعا – 8,90 اەك, ياعني 34 994,8 تەڭگە.
ايىپپۇلدار وسەدى
ەلىمىزدە 2025 جىلى 1 قاڭتاردان باستاپ 1 اەك 3 932 تەڭگە بولادى. ياعني بۇل اەك-پەن ەسەپتەلەتىن كەز كەلگەن تولەم, ونىڭ ىشىندە ايىپپۇل, الەۋمەتتىك تولەمدەر جانە ت.ب. كولەمى دە ارتادى دەگەندى بىلدىرەدى.
– رامىزدەرىمىزدى قورلاساڭىز 11 796 000تەڭگە,
– كىرەبەرىستە نە پاتەرىڭىزدىڭ ەسىگىنىڭ الدىنا قوقىس سالىنعان دورباڭىزدى قالدىرساڭىز 78 640 تەڭگە,
– كەشكى ساعات 10-نان كەيىن شۋلاپ, ەلدىڭ تىنىشتىعىن الساڭىز 19 660 تەڭگە,
– قوعامدىق ورىندا تۇكىرسەڭىز 19 660 تەڭگە,
– كولىكتە وتىرىپ تەلەفون پايدالانىپ نە بەلبەۋ تاقپاساڭىز 19 660 تەڭگە,
– قۇجاتسىز كولىك جۇرگىزسەڭىز 78 640 تەڭگە,
– اۆتوبۋستا جولاقى تولەمەسەڭىز 7 864 تەڭگە,
– كامەلەتكە تولماعان بالاڭىز تۇنگى 10-نان كەيىن ويىن-ساۋىق مەكەمەلەرىندە جۇرسە, 11 796 تەڭگە,
– جولدى بەلگىلەنبەگەن جەردەن قيىپ وتسەڭىز, 7 864 تەڭگە,
– كولىك جىلدامدىعىن اسىرساڭىز, 19 660 تەڭگەدەن 117 960 تەڭگەگە دەيىن,
– قوعامدىق ورىندا بالاعات ءسوز ايتساڭىز, 78 640 تەڭگە,
– مۇعالىمدى نە دارىگەردى بالاعاتتاساڭىز, 39 320 تەڭگە ايىپپۇل ارقالايسىز.
وقۋشىلار ءىىى توقساندى باستايدى
وقۋشىلاردىڭ قىسقى كانيكۋلى 8 قاڭتاردا اياقتالادى. ءسويتىپ 9 قاڭتاردان باستاپ بالالار ءىىى توقساندى باستايدى.
قاڭتاردا دەمالىس بولادى
2025 جىلدىڭ قاڭتار ايىندا قازاقستاندىقتار جاڭا جىلعا وراي 1, 2 جانە 3 قاڭتاردا دەمالادى جانە 4 قاڭتار, 5 قاڭتار جۇمىس كۇنى.
ال روجدەستۆو كۇنىنە وراي 2025 جىلدىڭ 7 قاڭتارىندا, سەيسەنبىدە قوسىمشا دەمالىس بولادى.
جالاقى وسەدى
جوو وقىتۋشىلارى مەن عىلىمي قىزمەتكەرلەردىڭ جالاقىسى كوتەرىلەدى. ەسكە سالا كەتسەك, 2023 جىلعى 1 قاڭتاردان باستاپ عىلىمي ۇيىمدار قىزمەتكەرلەرىنىڭ لاۋازىمدىق جالاقىسى 18%-عا, 2024 جىلعى قاڭتاردان باستاپ – 18%-عا, 2025 جىلعى قاڭتاردان باستاپ – 17%-عا ۇلعايتىلادى.
باقىلاۋ كۇشەيتىلەدى
2025 جىلى 1 قاڭتاردان باستاپ قازاقستاندا قۇرىلىس سالاسىنداعى بيۋدجەتتىك ينۆەستيتسيالىق جوبالاردى باقىلاۋ كۇشەيتىلەدى.
قارجى مينيسترلىگىنە قازىناشىلىق بيۋدجەتتىك ينۆەستيتسيالىق جوبالار بويىنشا كوپتەگەن قۇرىلىس شارتتارىن سۇيەمەلدەي الاتىنداي وزگەرىستەر ەنگىزۋ تاپسىرىلدى.
25 قىركۇيەكتە بيۋدجەتتىڭ اتقارىلۋى جانە وعان كاسسالىق قىزمەت كورسەتۋ ەرەجەسىنە تۇزەتۋلەر ەنگىزىلدى. وعان سايكەس قازىناشىلىق سۇيەمەلدەۋ سمەتالىق قۇنى 1 ملرد تەڭگەدەن باستالاتىن شارتتارعا قاتىستى قولدانىلاتىن بولادى. بۇعان دەيىن بۇل كورسەتكىش 2 ملرد تەڭگەنى قۇراعان بولاتىن.
بۇل وزگەرىس 2025 جىلعى 1 قاڭتاردان باستاپ قولدانىسقا ەنگىزىلەدى.
كىم روتاتسياعا ىلىنەدى?
2025 جىلعى 1 قاڭتاردان باستاپ ارناۋلى الەۋمەتتىك قىزمەتتەر كورسەتەتىن (بۇدان ءارى – ااق) مەملەكەتتىك ۇيىمداردىڭ ءبىرىنشى باسشىلارىن روتاتسيالاۋ جۇرگىزىلەتىن بولادى. روتاتسيا ءبىر ەلدى مەكەن شەگىندە ەكى جانە ودان دا كوپ ۇيىم بولعان جاعدايدا جۇزەگە اسىرىلادى.
قايتا ۇيىمداستىرۋعا (بىرىگۋگە, بولۋگە, شىعارۋعا, قايتا قۇرۋعا), ۇيىمنىڭ اتاۋىن وزگەرتۋگە, سونداي-اق جۇمىستان بوساتۋ جانە سول ۇيىمعا باسشى لاۋازىمىنا ورالۋ كەزەڭىنە قاراماستان, ارناۋلى الەۋمەتتىك قىزمەتتەر كورسەتۋ ورتالىقتارىن 5 جىلدان استام باسقارىپ كەلە جاتقان ۇيىمداردىڭ باسشىلارى ءۇشىن روتاتسيا مىندەتتى بولادى.
