1 قازان قارتتار كۇنىنە وراي زەينەتكەرلەرگە ءبىر رەتتىك تولەم بەرىلەدى

قازاقستاندا 1 قازان — قارتتار كۇنى اتالىپ وتىلەدى, دەپ حابارلايدى KYN.KZ  inbusiness.kz سايتىنا سىلتەمە جاساپ.

قارتتار كۇنىنە وراي اعا بۋىن وكىلدەرىنە 2,5 اەك (9 230 تەڭگە) كولەمىندە ءبىر رەتتىك اقشالاي تولەم بەرىلەدى. بۇل تولەمدى شامامەن 107 مىڭ ەلوردالىق الادى, وعان جالپى 989,2 ميلليون تەڭگە بولىنگەن.

قالا اكىمدىگىنىڭ ءباسپاسوز قىزمەتى اتاپ وتكەندەي, بۇل كومەك مەملەكەت تاراپىنان جاۋىنگەرلىك ءىس-قيمىلدارعا قاتىسقان, مۇگەدەكتىگى بار, كوپ بالالى, سونداي-اق زاڭنامادا كورسەتىلگەن باسقا نەگىزدەر بويىنشا مەملەكەتتەن تولەم الماعان زەينەتكەرلەرگە بەرىلەدى.

تولەم ەكى كەزەڭدە جۇزەگە اسادى: ءبىرىنشى بولىگى قىركۇيەكتىڭ سوڭىندا, ال قالعانى قازان ايىنىڭ باسىندا اۋدارىلادى.