Qarjy jáne tólemder
1 qazan qarttar kúnine oraı zeınetkerlerge bir rettik tólem beriledi
Sýret: semeynews.kz
Bul tólemdi shamamen 107 myń elordalyq alady, oǵan jalpy 989,2 mıllıon teńge bólingen
Qazaqstanda 1 qazan — Qarttar kúni atalyp ótiledi, dep habarlaıdy KYN.KZ inbusiness.kz saıtyna silteme jasap.
Qarttar kúnine oraı aǵa býyn ókilderine 2,5 AEK (9 230 teńge) kóleminde bir rettik aqshalaı tólem beriledi. Bul tólemdi shamamen 107 myń elordalyq alady, oǵan jalpy 989,2 mıllıon teńge bólingen.
Qala ákimdiginiń baspasóz qyzmeti atap ótkendeı, bul kómek memleket tarapynan jaýyngerlik is-qımyldarǵa qatysqan, múgedektigi bar, kóp balaly, sondaı-aq zańnamada kórsetilgen basqa negizder boıynsha memleketten tólem almaǵan zeınetkerlerge beriledi.
Tólem eki kezeńde júzege asady: birinshi bóligi qyrkúıektiń sońynda, al qalǵany qazan aıynyń basynda aýdarylady.
