جاڭالىقتار
1 قازاننان باستاپ پويىز بيلەتتەرى 20 پايىزعا قىمباتتايدى
فوتو: كورنەكى سۋرەت
قازاقستاندا كەلەسى اپتادان باستاپ پويىز بيلەتتەرى قىمباتتايدى, – دەپ حابارلايدى Massaget.kz تىلشىسى.
بۇل تۋرالى Qazaqstan تەلەارناسىنداعى حاباردا ايتىلدى.
قازىر ەلىمىزدە 140 باعىت بويىنشا قاتىنايتىن پويىز بار. كەلەسى ايدا سونىڭ 62-ءسىنىڭ ءتاريفى وسەدى.
ستاندارت ۆاگونداردىڭ قۇنى 6300 تەڭگەدەن 7500 تەڭگەگە كوتەرىلەدى. ال تالگو پويىزىنا جولاۋشى بيلەتتەرى 10 مىڭ تەڭگەدەن 12 مىڭ تەڭگەگە قىمباتتايدى.
Qazaqstan ارناسىنىڭ مالىمەتىنشە, ۇكىمەت ءتاريفتى ءوسىرۋ ارقىلى تەمىرجول پاركىن جاڭارتۋدى كوزدەپ وتىر. سەبەبى 2 600-دەن استام ۆاگوننىڭ 44 پايىزى ابدەن توزعان.
