جاڭالىقتار
1 ماۋسىم دەمالىس كۇنى بولا ما: ۆيتسە-مينيستر جاۋابى
ەڭبەك جانە حالىقتى الەۋمەتتىك قورعاۋ ۆيتسە-ءمينيسترى اسقاربەك ەرتاەۆ 1 ماۋسىمدى رەسمي مەرەكە ەتىپ بەلگىلەۋ تۋرالى شەشىم قاشان قابىلداناتىنىن ايتتى, دەپ جازدى Qandastar.kz.
ونىڭ ايتۋىنشا, جاڭا مەرەكە ەنگىزۋ تۋرالى كەز كەلگەن ۇسىنىس مەملەكەتتىك ورگاندارمەن قاراستىرىلىپ, كەلىسىلۋى كەرەك.
«راسىندا, مۇنداي ۇسىنىس ايتىلدى. قازىر مەملەكەتتىك ورگاندارمەن جانە ساراپشىلارمەن تالقىلاۋ جۇرگىزىلىپ جاتىر. بۇل تالقىلاۋدىڭ قورىتىندىسىن سىزدەرگە ۇسىنامىز», – دەدى ەرتاەۆ ۇكىمەتتىڭ بريفينگىندە.
پرەمەر-ءمينيستردىڭ ورىنباسارى ەرمەك كوشەرباەۆ بۇل ماسەلەگە قاتىستى ءار مينيسترلىك ءوز كوزقاراسىن ءبىلدىرۋى ءتيىس ەكەنىن ايتتى. بارلىق دەرەك جينالعان سوڭ, ماسەلەنى ۇكىمەت باسشىلىعى قارايدى. شەشىم 1 قىركۇيەككە دەيىن قابىلدانۋى ءتيىس.
ەسكە سالساق, قازاقستاندا 1 ماۋسىم – بالالار قورعاۋ كۇنىن دەمالىس كۇنى ەتۋ ۇسىنىلعان ەدى.
