«1 mlrd teńge urlanǵan»: QMA Bolat Majaǵulovtyń qamaýǵa alynǵanyn rastady

Foto: ashyq derekkóz

Actana qalasy Mádenıet basqarmasynyń burynǵy basshysyn sýburqaqty salý kezinde aqsha jymqyrǵany úshin qamaýǵa aldy, dep habarlaıdy  qandastar.kz Skifnews.kz aqparat portalyna silteme jasap.

Astana qalasynyń «Mádenıet basqarmasy» MM-niń burynǵy basshysy men merdiger uıym ókilderine qatysty asa iri kólemde bıýdjet qarajatyn jymqyrý faktisi boıynsha Qarjylyq monıtorıng agenttigi sotqa deıingi tergeý amaldaryn júrgizýde.

2016 jyly Astana kúni merekesine oraı salynǵan «Kún» («Esil ózenindegi jaryq-ıllıýmınaııalyq jáne ot shoýy») sýburqaǵynyń qurylysy kezinde memlekettik satyp alý rásimderi júrgizilmeı, tikeleı kelisimsharttar jasalǵan.

Sýburqaq jobalyq qujattamasyz jáne memlekettik saraptamadan ótpeı salynǵan.

Qurylys barysynda tehnıkalyq sıpattamalarǵa sáıkes kelmeıtin sapasyz materıaldar qoldanylǵan.

Nátıjesinde atalǵan nysan 2017 jyldan bastap jumys istemeı, qazirgi tańda apatty jaǵdaıda tur.

Urlanǵan qarajattyń kólemi 1 mlrd teńgeden asyp otyr.

Kúdikti, Astana qalasynyń «Mádenıet basqarmasy» MM-niń burynǵy basshysy ustalyp, ýaqytsha ustaý ızolıatoryna qamaldy. Tergeý aıasynda onyń múlkine tyıym salyndy. Onyń ishinde 3 kommerııalyq nysan, 2 avtoturaq orny jáne Astana qalasyndaǵy premıým sanattaǵy páter.

Atalǵan is boıynsha kúdiktilerdiń múlkine jalpy somasy 572 mıllıon teńgeden astam somaǵa shekteý qoıyldy.

QR QPK 201-babyna sáıkes, sotqa deıingi tergep-tekserý derekteri jarııa etýge jatpaıdy.

QR Konstıtýııasynyń 77-babynyń 3-tarmaǵynyń 1-tarmaqshasyna jáne QR Qylmystyq-proestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.

Eger siz ókilettikterdi teris paıdalaný, qarajatty jymqyrý nemese basqa da ekonomıkalyq quqyq buzýshylyqtar faktileri jaıly bilseńiz, «AFM Insider» telegram botyna habarlaýyńyzdy suraımyz.

Anonımdilikke kepildik beriledi.