جاڭالىقتارقارجى جانە تولەمدەر
1 ملرد جىمقىردى دەپ كۇدىككە ىلىنگەن ۆيتسە-مينيسترگە قاتىستى تەرگەۋ اياقتالدى
فوتو:primeminister.kz
سىبايلاس جەمقورلىققا قارسى كۇرەس اگەنتتىگى 1 ملرد تەڭگەنى جىمقىردى دەگەن كۇدىكپەن قولعا تۇسكەن مادەنيەت جانە سپورت مينيسترلىگىنىڭ بۇرىنعى ۆيتسە-ءمينيسترى ەرلان قوجاعاپانوۆقا قاتىستى تەرگەۋدى اياقتادى, دەپ جازدى qandastar.kz
«اگەنتتىك مادەنيەت جانە سپورت مينيسترلىگىنىڭ بۇرىنعى ۆيتسە-ءمينيسترى جانە مەردىگەر ۇيىم باسشىلىعىنا قاتىستى اۋىر قىلمىس جاساعانى بويىنشا تەرگەۋدى اياقتادى. ولار قىزمەتتىك وكىلەتتىكتەرىن اسىرا پايدالاندى جانە 1 ملرد تەڭگەدەن استام قاراجاتتى جىمقىردى دەپ ايىپتالۋدا. 2024 جىلدىڭ 13 جەلتوقسانىندا باس پروكۋراتۋرا كۇدىكتىلەردى سوتقا بەردى», – دەپ حابارلادى بۇگىن, 2025 جىلدىڭ 5 قاڭتارىندا اگەنتتىك.
قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.
كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
