جاڭالىقتار

1 ساۋىردەن باستاپ قازاقستاندا نە وزگەرەدى?

فوتو: اشىق دەرەككوز

كوكتەمنىڭ ەكىنشى ايى بىرقاتار جاڭا ەرەجەلەر مەن وزگەرىستەردى الىپ كەلەدى. ولاردىڭ ىشىندە ءبىلىم بەرۋ, كولىك, سالىق, ەڭبەك جانە قارجى سالالارىنداعى ماڭىزدى جاڭالىقتار بار, دەپ دەپ حابارلايدى qandastar.kz

Skifnews.kz جازعانداي,  ساۋىر ايىندا ەلىمىزدە سالىق تولەمدەرى, كولىك تىركەۋ, ەڭبەك, ءبىلىم بەرۋ جانە قارجى سالاسىندا ەلەۋلى وزگەرىستەر بولادى. بۇل جاڭاشىلدىقتار ازاماتتاردىڭ قاۋىپسىزدىگى مەن ءومىر ساپاسىن جاقسارتۋعا باعىتتالعان.

وقۋشىلاردىڭ ءتورتىنشى توقسانى باستالادى

1 ساۋىردە مەكتەپ وقۋشىلارىنىڭ IV توقسانى باستالادى. ولار 8 اپتا ءبىلىم الىپ, 25 مامىردا وقۋ جىلىن اياقتايدى.

كولىك سالىعىن تولەمەگەندەرگە ايىپپۇل سالىنادى

2024 جىلعى كولىك سالىعىن تولەۋ مەرزىمى – 2025 جىلدىڭ 1 ساۋىرىنە دەيىن.

سالىق مولشەرى 2024 جىلعى ايلىق ەسەپتىك كورسەتكىشكە (اەك) – 3 692 تەڭگەگە نەگىزدەلىپ ەسەپتەلەدى.
1 ساۋىردەن باستاپ سالىق تولەمەگەندەرگە ءوسىمپۇل قوسىلادى.
ەگەر قارىز 1 اەك-تەن اسسا, سالىقتىق بۇيرىق شىعارىلادى, ال تولەم جاسالماسا, سوت ورىنداۋشىلارى م ۇلىكتى بۇعاتتاۋى مۇمكىن.

موپەدتەردى تىركەۋ مىندەتتەلەدى

2025 جىلدىڭ 5 ساۋىرىنەن باستاپ موپەدتەر رەسمي كولىك قۇرالى بولىپ سانالادى.
ولاردى جۇرگىزۋ ءۇشىن قاجەت:

  • پوليتسيادا تىركەلۋ
  • A1, A نەمەسە B ساناتىنداعى جۇرگىزۋشى كۋالىگى
  • تەحنيكالىق بايقاۋدان ءوتۋ
  • مىندەتتى ساقتاندىرۋ ءپوليسى

تىركەلمەگەن موپەدتەردى جۇرگىزۋگە تىيىم سالىنادى.

ساۋىردە قانشا كۇن دەمالامىز?

بۇل ايدا مەملەكەتتىك مەرەكەلەر جوق, دەمالىس كۇندەرى تەك سەنبى جانە جەكسەنبىگە سايكەس كەلەدى.
5 كۇن جۇمىس ىستەيتىندەر ءۇشىن 8 كۇن, ال 6 كۇن جۇمىس ىستەيتىندەر ءۇشىن 4 كۇن دەمالىس بولادى.

ماڭىزدى كۇندەر:

  • 6 ءساۋىر – گەولوگتار كۇنى
  • 12 ءساۋىر – عىلىمي قىزمەتكەرلەر كۇنى
  • 15 ءساۋىر – ۇلتتىق عاشىقتار كۇنى
  • 21 ءساۋىر – مەملەكەتتىك كۇزەت قىزمەتى كۇنى

1-سىنىپقا قۇجاتتار قابىلداۋ باستالادى

1 ساۋىردەن 31 تامىزعا دەيىن 1-سىنىپقا قۇجات تاپسىرۋعا بولادى.
قۇجاتتاردى Egov.kz ارقىلى نەمەسە قاعاز تۇرىندە وتكىزۋگە بولادى.
بالالار 6 جاستان باستاپ مەكتەپكە قابىلدانادى.

ەڭبەككە جارامسىزدىق پاراعى تسيفرلىق فورماتقا كوشەدى

2025 جىلدىڭ 1 ساۋىرىنەن باستاپ ەڭبەككە جارامسىزدىق پاراقتارى تەك ەلەكتروندى تۇردە بەرىلەدى.

بۇل وزگەرىس ازاماتتار مەن مەديتسينالىق مەكەمەلەر اراسىنداعى ءوزارا بايلانىستى جەڭىلدەتىپ, قۇجاتتاردىڭ جاساندىلىعىن بولدىرماۋعا كومەكتەسەدى.

ەلەكتر ءتاريفى قىمباتتاۋى مۇمكىن

اقتوبە وبلىسىندا ەلەكتر ەنەرگياسىنىڭ باعاسى 34,64 تەڭگەدەن 46 تەڭگەگە دەيىن كوتەرىلۋى مۇمكىن.
ەگەر ايىنا 172 كۆت ەلەكتر ەنەرگياسى جۇمسالسا, تولەم 1 225 تەڭگەگە ارتادى.

ورتاشا جىلدامدىقتى ەسەپتەۋ جۇيەسى ەنگىزىلەدى

جول قاۋىپسىزدىگىن ارتتىرۋ ماقساتىندا كولىكتىڭ ورتاشا جىلدامدىعىن ەسەپتەۋ جۇيەسى ەنگىزىلەدى.

جۇيە جولدىڭ باسى مەن سوڭىندا ورناتىلعان كامەرالار ارقىلى كولىكتىڭ جۇرگەن ۋاقىتىن تىركەپ, ورتاشا جىلدامدىقتى انىقتايدى.

بەلگىلەنگەن شەكتەن اسىپ كەتكەن جاعدايدا ايىپپۇل سالىنادى.

ەلەكتروساموكات قوزعالىسى رەتتەلەدى

جەرگىلىكتى بيلىككە ەلەكتروساموكات قوزعالىسىن رەتتەۋ قۇزىرەتى بەرىلەدى.
ەلەكتروساموكاتپەن ۆەلوسيپەد جولىمەن, جول جيەگىمەن جانە قوعامدىق كولىك جولاعىمەن جۇرۋگە رۇقسات ەتىلەدى.

ونلاين كرەديت الۋ ەرەجەلەرى وزگەرەدى

2025 جىلدىڭ 1 قاڭتارىنان باستاپ ونلاين كرەديت الۋ ءۇشىن بيومەتريالىق ۆەريفيكاتسيا تالاپ ەتىلەدى.

قارىز الۋ ءۇشىن ەلەكتروندىق تسيفرلىق قولتاڭبا (ەتسق) ارقىلى كەلىسىمگە قول قويۋ مىندەتتى بولادى.

اۋىل شارۋاشىلىعى ساناعى وتەدى

2025 جىلدىڭ 1 تامىزى مەن 20 قازانى ارالىعىندا قازاقستاندا ۇلتتىق اۋىل شارۋاشىلىعى ساناعى جۇرگىزىلەدى.

بۇل سالاداعى وزەكتى مالىمەتتەردى جاڭارتىپ, تالداۋ جاساۋعا مۇمكىندىك بەرەدى.

ىلمەكتەر

وسى ايداردا

دوباۆيت كوممەنتاري

Close