1 شىلدەدەن باستاپ قازاقستاندا ءدارى-دارمەك قىمباتتايدى

ەلىمىزدە فارماتسەۆتيكالىق پرەپاراتتاردى مىندەتتى تۇردە تاڭبالاۋ تۋرالى ەرەجە كۇشىنە ەنەدى.

فارماتسەۆتيكالىق بيزنەس نىساندارىنىڭ يەلەرى باعانى كەم دەگەندە 5% كوتەرۋگە ءماجبۇر ەكەندەرىن ايتتى. ويتكەنى ولار قىمبات قۇرال-جابدىقتاردى ساتىپ الىپ, جاڭا مامانداردى تارتۋعا ءماجبۇر.

ايگەرىم امانباەۆا فارماتسەۆتيكا سالاسىندا 2 جىلدان بەرى جۇمىس ىستەيدى. وسى ۋاقىت ارالىعىندا اباي اۋدانىندا 2 ءدارىحانا اشقان. كاسىپكەردىڭ ايتۋىنشا, مىندەتتى تاڭبالاۋدى ەنگىزۋ قوسىمشا شىعىندارعا اكەپ سوعادى, سول ءۇشىن ولار باعانى كوتەرەدى.

“ەگەر ولار شىنىمەن تاڭبالاۋدى قالاسا, قويماداعى بارلىعىن بەلگىلەتسىن. بىزگە دايىن ءونىم كەلسىن, ويتكەنى ءدارىحانالار تاڭبالاۋمەن الاڭداماۋى كەرەك. ولاي بولماسا بارلىق ءدارىحانالار  پايدا تاپپاي, شاعىن كاسىپورىندار جابىلادى”, – دەدى جەكە كاسىپكەر ايگەرىم امانباەۆا.

قوسىمشا شىعىندارعا بايلانىستى ءدارىحانا يەلەرى نە جابىلۋعا, نە ءدارى باعاسىن كوتەرۋگە ءماجبۇر بولادى.

ۇكىمەت دارىلىك زاتتارعا تاڭبالاۋدى ەنگىزۋ ەلدەگى كونترافاكتىلىك ونىمدەر مەن ءدارى-دارمەكتىڭ زاڭسىز ساتىلۋ كولەمىن ازايتۋ ءۇشىن قاجەت دەيدى. دەگەنمەن قازاقستاندىق تاۋەلسىز ءدارىحانالار قاۋىمداستىعى مۇنىمەن ماسەلە شەشىلمەيتىنىنە سەنىمدى. ونىمەن كەدەندە اينالىسۋ كەرەك دەيدى ماماندار.

ء“بىزدىڭ شەكارامىز بارىنە اشىق. كەز كەلگەن نارسە كەلەدى. ول كىرگەندىكتەن, مەن ونى بەلگىلەمەيمىن جانە ونى ساتۋدى جالعاستىرامىن, ءبارى دە سولاي. قالاي ساتىلدى, سولاي ساتىلادى. ءبىز قازىر قاۋلىنى توقتاتا تۇرۋدى ۇسىنىپ وتىرمىز. قاۋىمداستىعىمىزبەن بىرگە جۇمىس توبىن قۇرۋدى ۇسىنامىز, ءبىز ۇسىنىس بەرەمىز, ولارمەن بىرگە جول كارتاسىن, تۇجىرىمداماسىن, دوكتريناسىن, زاڭ جوباسىنا تۇزەتۋلەر ەنگىزەمىز”, – دەيدى قازاقستان تاۋەلسىز ءدارىحانالار قاۋىمداستىعىنىڭ جەتەكشىسى تالعات وماروۆ.