Jańalyqtar

1 shildeden bastap Qazaqstanda dári-dármek qymbattaıdy

Elimizde farmaevtıkalyq preparattardy mindetti túrde tańbalaý týraly ereje kúshine enedi.

Farmaevtıkalyq bıznes nysandarynyń ıeleri baǵany kem degende 5% kóterýge májbúr ekenderin aıtty. О́ıtkeni olar qymbat qural-jabdyqtardy satyp alyp, jańa mamandardy tartýǵa májbúr.

Áıgerim Amanbaeva farmaevtıka salasynda 2 jyldan beri jumys isteıdi. Osy ýaqyt aralyǵynda Abaı aýdanynda 2 dárihana ashqan. Kásipkerdiń aıtýynsha, mindetti tańbalaýdy engizý qosymsha shyǵyndarǵa ákep soǵady, sol úshin olar baǵany kóteredi.

“Eger olar shynymen tańbalaýdy qalasa, qoımadaǵy barlyǵyn belgiletsin. Bizge daıyn ónim kelsin, óıtkeni dárihanalar tańbalaýmen alańdamaýy kerek. Olaı bolmasa barlyq dárihanalar  paıda tappaı, shaǵyn kásiporyndar jabylady”, – dedi jeke kásipker Áıgerim Amanbaeva.

Qosymsha shyǵyndarǵa baılanysty dárihana ıeleri ne jabylýǵa, ne dári baǵasyn kóterýge májbúr bolady.

Úkimet dárilik zattarǵa tańbalaýdy engizý eldegi kontrafaktilik ónimder men dári-dármektiń zańsyz satylý kólemin azaıtý úshin qajet deıdi. Degenmen Qazaqstandyq táýelsiz dárihanalar qaýymdastyǵy munymen másele sheshilmeıtinine senimdi. Onymen kedende aınalysý kerek deıdi mamandar.

“Bizdiń shekaramyz bárine ashyq. Kez kelgen nárse keledi. Ol kirgendikten, men ony belgilemeımin jáne ony satýdy jalǵastyramyn, bári de solaı. Qalaı satyldy, solaı satylady. Biz qazir qaýlyny toqtata turýdy usynyp otyrmyz. Qaýymdastyǵymyzben birge jumys tobyn qurýdy usynamyz, biz usynys beremiz, olarmen birge jol kartasyn, tujyrymdamasyn, doktrınasyn, zań jobasyna túzetýler engizemiz”, – deıdi Qazaqstan táýelsiz dárihanalar qaýymdastyǵynyń jetekshisi Talǵat Omarov.

Osy aıdarda

Pikir ústeý

Close