1 شىلدەدەن باستاپ شەتەلدىكتەردىڭ كەلۋ مەرزىمى قىسقارتىلادى

2018 جىلدىڭ 1 شىلدەسىنەن باستاپ شاقىرۋ قۇجاتتارى جانە ۆيزا بەرۋدى راسىمدەۋ تارتىبىنە ەنگىزىلگەن وزگەرىستەر كۇشىنە ەنەدى  دەپ حابارلايدى قازاقستان رەسپۋبليكاسى ءىىم ءباسپاسوز قىزمەتى.  (سىم مەن ءىىم جىلعى 28 قاراشاداعى № 1100 بىرلەسكەن بۇيرىعىنا سايكەس).
قازاقستان رەسپۋبليكاسىنا شەتەلدىكتەردىڭ كەلۋى ءۇشىن شاقىرۋ قۇجاتىن بەرۋ مەرزىمى قىسقارتىلدى. قازاقستان رەسپۋبليكاسىنا ۆيزا الاتىن ادامنىڭ بولجالدى كەلەتىن كۇنىنە دەيىن 5 جۇمىس كۇنى قالعانعا شاقىرۋ قۇجاتىن بەرۋگە بولادى. بۇرىن بۇل مەرزىم 14 كۇن بولعان.

شاقىرۋ قۇجاتىندا شەتەلدىكتىڭ قازاقستاندا تۇراتىن جەرىنىڭ مەكەن-جايى جانە قوزعالۋ مارشرۋتى كورسەتىلەدى. سونىمەن قاتار  شاقىرۋ قۇجاتىندا قازاقستان رەسپۋبليكاسىنىڭ بەلگىلى ءبىر ەلدى مەكەنىنە سايكەس اكىمشىلىك-اۋماقتىق وبەكتىنىڭ كلاسسيفيكاتورىنىڭ كودى (كاتو) كورسەتىلەدى, ونىhttp:///kodeksy-kz.com/klassifikatory/kato.htm سىلتەمەسى بويىنشا تابۋعا بولادى.

قازاقستان ۆيزاسىنىڭ بار بولۋى شەتەلدىكتى كوشى-قون ورگاندارىنا بارىپ تىركەلۋدەن بوساتادى, سەبەبى ونىڭ تۇراتىن ورنى جانە قوزعالۋ باعىتى شاقىرۋ قۇجاتىندا كورسەتىلەدى.

سونداي-اق قولدانىستاعى ۆيزانى ۇزارتۋ ءۇشىن قۇجاتتار تاپسىرۋ مەرزىمى وزگەرتىلدى. قولداۋحاتتار وتىز جۇمىس كۇن بۇرىن جانە قولدانىستاعى ۆيزا مەرزىمى اياقتالعانعا دەيىن كەمىندە بەس جۇمىس كۇنىنەن كەشىكتىرمەي بەرىلەدى.

قازاقستان رەسپۋبليكاسى ءىىم ءباسپاسوز قىزمەتى