1 shildeden bastap sheteldikterdiń kelý merzimi qysqartylady

2018 jyldyń 1 shildesinen bastap Shaqyrý qujattary jáne vıza berýdi rásimdeý tártibine engizilgen ózgerister kúshine enedi  dep habarlaıdy Qazaqstan Respýblıkasy IIM Baspasóz qyzmeti.  (SIM men IIM jylǵy 28 qarashadaǵy № 1100 birlesken buıryǵyna sáıkes).
Qazaqstan Respýblıkasyna sheteldikterdiń kelýi úshin shaqyrý qujatyn berý merzimi qysqartyldy. Qazaqstan Respýblıkasyna vıza alatyn adamnyń boljaldy keletin kúnine deıin 5 jumys kúni qalǵanǵa shaqyrý qujatyn berýge bolady. Buryn bul merzim 14 kún bolǵan.

Shaqyrý qujatynda sheteldiktiń Qazaqstanda turatyn jeriniń meken-jaıy jáne qozǵalý marshrýty kórsetiledi. Sonymen qatar  shaqyrý qujatynda Qazaqstan Respýblıkasynyń belgili bir eldi mekenine sáıkes ákimshilik-aýmaqtyq obektiniń klassıfıkatorynyń kody (KATO) kórsetiledi, onyhttp:///kodeksy-kz.com/klassifikatory/kato.htm siltemesi boıynsha tabýǵa bolady.

Qazaqstan vızasynyń bar bolýy sheteldikti kóshi-qon organdaryna baryp tirkelýden bosatady, sebebi onyń turatyn orny jáne qozǵalý baǵyty shaqyrý qujatynda kórsetiledi.

Sondaı-aq qoldanystaǵy vızany uzartý úshin qujattar tapsyrý merzimi ózgertildi. Qoldaýhattar otyz jumys kún buryn jáne qoldanystaǵy vıza merzimi aıaqtalǵanǵa deıin keminde bes jumys kúninen keshiktirmeı beriledi.

Qazaqstan Respýblıkasy IIM Baspasóz qyzmeti