«1 جىل بۇرىن اكەسى زورلاعان»: قوردايدا ەرلى-زايىپتى 15 جاستاعى قىزعا زورلىق كورسەتكەن

جامبىل وبلىسى قورداي اۋدانىندا ەرلى-زايىپتى 15 جاستاعى قىزدى ۇيىنە الداپ اپارىپ, وعان جىنىستىق زورلىق كورسەتكەن. بۇل تۋرالى تانىمال جۋرناليست رۋسلان وتەپباي جەلىدەگى پاراقشاسىندا ءمالىم ەتتى, دەپ حابارلادى Qandastar.kz اقپارات پورتالى.

«جامبىل وبلىسى, قورداي اۋدانىنان 33 جاستاعى كەلىنشەك حابارلاستى. ول- 8 بالانىڭ اناسى.  ايتۋىنشا, 15 جاستاعى تۇڭعىش قىزى ەرلى-زايىپتىنىڭ ۇيىندە جىنىستىق زورلىققا ۇشىراعان. ايەلدىڭ سوزىنە سەنسەك 1 جىل بۇرىن قىزدى تۋعان اكەسى زورلاپ, ارتىنان وزىنە قول سالىپتى.

ال سوڭعى زورلىق بويىنشا قىلمىستىق ءىس قوزعالعان. بىراق «كۇدىكتى ەرلى-زايىپتى بوستاندىقتا ءجۇر»,-دەپ اناسى دابىل قاعۋدا. ەڭ سوراقاسى كۇدىكتى دەپ تانىلعان ەرلى-زايىپتى جالعىزباستى انانىڭ كەنجە ۇلىنىڭ كىندىك اتا-اناسى ەكەن. ەرتەڭ قورداي اۋدانىنا بارىپ, ماسەلەنىڭ ءمان-جايىن ءبىلىپ قايتامىن»,  – دەدى جۋرناليست.