10 mln para berýge ıtermelegen eks sheneýnik sottaldy

Foto: ashyq derekkóz

Qyzylorda oblysy boıynsha ekonomıkalyq tergeý departamentiniń basshysynyń burynǵy orynbasary Almas Qasymbaev 7 jylǵa bas bostandyǵynan aıyryldy, – dep habarlaıdy qandastar.kz.

Ol Almaty qalasy kásiporyndarynyń biriniń dırektoryna 10 mln teńge somasynda para berýge ıtermelegeni úshin kináli dep tanyldy.

«Sot úkimimen Qasymbaev pen Sákenov árqaısysy memlekettik organdar men kvazımemlekettik sektor sýbektilerinde qyzmet atqarý quqyǵynan ómir boıyna aıyra otyryp, 7 jylǵa bas bostandyǵynan aıyryldy», – delingen seısenbi kúngi habarlamada.

Atalǵan is boıynsha 2020 jyldan beri tergeý júrgizilip keledi.