جاڭالىقتار
10 ترلن: ەنەرگەتيكانى دامىتۋ ءۇشىن زەينەتاقى مەن ۇلتتىق قوردان قارجى الىنا ما?
فوتو: اشىق دەرەككوز
ەنەرگەتيكا سالاسىن دامىتۋ جوبالارىنا ۇلتتىق قور مەن بىرىڭعاي زەينەتاقى قورىنان قاراجات بولىنبەك. بۇل ەنەرگەتيكا جانە كوممۋنالدىق سەكتوردى جاڭعىرتۋدىڭ ۇلتتىق جوباسىندا قاراستىرىلعان, – دەپ جازادى Qandastar.kz.
ۇلتتىق جوبانى بەكىتۋ تۋرالى قاۋلى جوباسى اشىق نقا پورتالىندا جاريالاندى. ونى قوعامدىق تالقىلاۋ 1 قاراشاعا دەيىن جالعاسپاق.
قۇجاتقا سايكەس, تۇرعىن ءۇي-كوممۋنالدىق شارۋاشىلىعىن جاڭعىرتۋعا باعىتتالعان ۇزاق مەرزىمدى ينفراقۇرىلىمدىق جوبالارعا بجزق ينۆەستور رەتىندە قاتىسا الادى.
ال ۇلتتىق قوردىڭ قارجىسى اسا ءىرى, ستراتەگيالىق ماڭىزدى جوبالارعا جۇمسالماق.
بۇل جەردە نەسيە بويىنشا ناقتى ساندار كەلتىرىلمەگەن دەپ حابارلاعان ەدى «Orda.kz» سايتى.
بىراق قولدانىستاعى اكتيۆتەردى جاڭعىرتۋ مەن جاڭاسىن قۇرۋ ءۇشىن شامامەن 10 تريلليون تەڭگە قاجەت ەكەنى ايتىلعان.
