10 trln: Energetıkany damytý úshin Zeınetaqy men Ulttyq qordan qarjy alyna ma?

Foto: ashyq derekkóz

Energetıka salasyn damytý jobalaryna Ulttyq qor men Biryńǵaı zeınetaqy qorynan qarajat bólinbek. Bul energetıka jáne kommýnaldyq sektordy jańǵyrtýdyń ulttyq jobasynda qarastyrylǵan, – dep jazady Qandastar.kz.

Ulttyq jobany bekitý týraly qaýly jobasy Ashyq NQA portalynda jarııalandy. Ony qoǵamdyq talqylaý 1 qarashaǵa deıin jalǵaspaq.

Qujatqa sáıkes, turǵyn úı-kommýnaldyq sharýashylyǵyn jańǵyrtýǵa baǵyttalǵan uzaq merzimdi ınfraqurylymdyq jobalarǵa BJZQ ınvestor retinde qatysa alady.

Al Ulttyq qordyń qarjysy asa iri, strategııalyq mańyzdy jobalarǵa jumsalmaq.

Bul jerde nesıe boıynsha naqty sandar keltirilmegen dep habarlaǵan edi «Orda.kz» saıty.

Biraq qoldanystaǵy aktıvterdi jańǵyrtý men jańasyn qurý úshin shamamen 10 trıllıon teńge qajet ekeni aıtylǵan.