10 jasar qyzyn zorlaǵan ógeı áke tergeýden soń bosap shyqty

Foto: ashyq derekkóz

Almaty oblysynyń Aqshı aýylynda 10 jasar qyzyna eki jyl boıy zorlyq kórsetti dep aıyptalǵan ógeı ákesi 12 aıdan keıin tergeý ızolıatorynan shyqty, dep jazady qandastar.kz

Orda.kz redakııasyna qyzdyń anasy (esimderi ózgertildi – Red.) istiń sotqa jetpegenin jáne tergeýdiń ádil ótpegenin aıtyp, jan aıqaıyn jetkizdi.

Anasy men ájesi ádildik izdep barlyq jerge júgingen, barmaǵan jeri qalmaǵan. Qyzdyń týystarymen birge qorǵaýshysy Rátjan Bersinbaev pen psıholog Marjan Jomartqyzy oqıǵanyń mán-jaıymen bólisti.

Oqıǵa 2023 jyly bolǵan. Anasy qyzynyń ógeı ákesinen kórgen qorlyǵyn naǵashy ájesinen bilgen.

«Bul — qyzymnyń ekinshi nekesi, bul erkekten eki balasy bar. Birge turǵandaryna 5 jyl bolǵan, tuńǵysh qyz alǵashqy nekeden týǵan. Nemerem demalysta úıge kelgende: «Áje, maǵan papa tıisedi, aıaq-qoldarymdy, denemdi sıpaıdy», — dep aıtty. Tıise me dep surap edim, tıisti dedi. Men birden anasyna habarlama jazdym. Ol senbeı, múmkin emes dedi. Ertesine jekemenshik gınekologqa apardym, ol jerde ózgeris bar dep aıtty. Qyz qalaı bolǵanyn tolyq aıtyp berdi. Ony jumysqa aldap aparǵan, mashınada jáne úıde de qorlyq kórsetken», — deıdi ájesi.

Anasynyń aıtýynsha, ógeı ákesi qyzǵa massaj jasatatyn bolǵan.

«Biz 2017 jyly áleýmettik jeli arqyly tanysyp, úılendik. Qyzymdy eshqashan unatpaıtyn, únemi urysyp, tıise beretin. Mal baqtyryp, qora tazalatyp qoıatyn. Arasha tússem, «qyzyńa óz qyzymdaı qaraǵanymdy qalasań, aralaspa», — deıtin. Talaı taıaq jedim. Qyzym keıde tómengi jaǵy qyshyp, ashıtynyn aıtatyn, biraq men mán bermeı, «dáret al» dep qoıa salatynmyn. Tipti art jaǵymnan bir suıyqtyq aǵyp jatyr degende, men jaı ǵana ishi ótken eken dep mán bermedim. Bir kúni bólmege kirsem, qyzymdy kórpemen jaýyp, ústine jatqyzyp alypty. «Ne istep jatsyń?» dep surasam, «búgin qyzym 5 alyp kelipti, erkeletip jatyrmyn» dep qoıa saldy», — dedi anasy.

Qyzdyń anasy kúıeýiniń telefonynan jasóspirimderge qatysty jazbany baıqap qalǵanyn aıtady.

«Men ol bireýmen sóılesetin shyǵar dep oılaıtynmyn, sebebi únemi «telefonyma tıispe» dep aıtatyn. Biraq bir kúni telefondy qýattaýǵa qoıǵanda, kózim túsip qaldy. Sonda onyń porno-saıttan «s dochkoı» degen mazmundy qaraǵanyn kórip, shoshyp kettim. Biraq qyzym emes shyǵar, jaı ǵana kórgen shyǵar dep ózimdi jubattym», — deıdi anasy.

Anasynyń aıtýynsha, jazǵy demalysta qyzdy naǵashy ájesiniń úıine áreń jibergen. Biraq jiberer aldynda ógeı ákesi qyzyna úıdegi jaǵdaıdy eshkimge aıtpa dep qaıta-qaıta eskertip otyrǵan.

«Qyzyma naǵashylary kele jatqandyqtan, ádemi kóılegin kıgizip qoıǵanmyn. Sol ýaqytta ógeı ákesi qora tazalaımyz dep alyp ketti. Men kóılegi taza, tıispeshi desem de, qoımaı alyp ketti. Qyzym biraz ýaqyttan soń kóılegin aýystyryp keldi, men taǵy da mán bermedim», — dedi anasy.

Qyzdyń anasy suhbat berý barysynda qatty sengen adamy osylaı istegenine ózin kinálap,  kóz jasyn tııa almady.

«Jazǵy demalys bitýge az qalǵan kezde qyzyma telefon shalyp, 2 kúnnen keıin alyp ketemiz dep edim, qaıtqysy kelmeıtinin aıtty. Keshke anam habarlama jazyp jiberipti: «Qyzyńa qaramaısyń ba, kúıeýiń tıisedi eken ǵoı», — dep. Men dereý qońyraý shalyp, gınekologqa aparýyn ótindim. Kelesi kúni anam qyzymdy aparypty. Gınekolog rastady, biraq qaǵaz jazyp berýden bas tartyp, bul úshin ekspertter qaǵaz beredi dep qaıtardy», — dedi.

Anasynyń aıtýynsha, gınekolog zorlyq belgilerin kóre tura, polıııaǵa habar berýden de, qaǵaz betine mán-jaıdy jazýdan da bas tartqan.

«Bul oqıǵa 2023 jyldyń tamyz aıynda boldy. Eki kúnnen soń qyzyma baryp, bolǵan oqıǵa týraly suradym, ol barlyǵyn rastady. Anamnyń úıinde kúıeýime «osylaı jasapsyń ǵoı» dep aıtqanda, ol óz kinásin moıyndamaı, sol jerden qashyp ketti. Biz polıııaǵa shaǵym túsirip, qyrkúıek aıynda «Kóremiz» baǵdarlamasyna ádildik izdep bardyq.
Baǵdarlama bizge advokat retinde Ǵabıt О́mirbek myrzany usyndy. Men Ǵabıt myrzaǵa senimhat jazyp berdim. WhatsApp jelisinde top ashyp, barlyq málimetti jiberip otyrdyq. Men jibergen málimetterdi Ǵabıt ekinshi tarapqa berip otyrdy. 12 aıdan keıin Ǵabıt kúdiktiniń «jala jabyldy» degen sebeppen tergeý ızolıatorynan shyqqanyn habarlap, post jarııalady. Meniń qyzymnyń quqyǵyn qorǵaımyn dep, kúdiktini bostandyqqa shyǵaryp jiberdi», — dedi anasy.

Bul iske qatysty 3 saraptama júrgizilgen. Eń birinshi ekspertıza oń nátıje kórsetkenimen, tergeýshiler ýaqyt óte 2 jáne 3-saraptamalar júrgizgen. Ekinshi ekspertıza teris nátıje kórsetkendikten, qyzdyń ish kıimi dálel bolsa da, isti 12 aıdan keıin jaýyp tastady.

Psıholog kúdikti zorlyq-zombylyqty josparly túrde jasaǵanyn aıtady.

«Uzaq ýaqyt qyzdy beıimdep, daıyndap alyp zorlaǵan. Boıyn úıretip alǵannan keıin ǵana kirisken. Qorqytý, urý arqyly qyzdyń ózin kináli sezinýin paıdalanǵan. Qasaqana, josparly túrde jasalǵan zorlyq-zombylyq. Medıına tilimen anyq-qanyǵyn aıtpaı-aq qoıaıyn. Qyzǵa zorlyq-zombylyqtyń barlyq túrin jasaǵan», — deıdi Marjan Jomartqyzy.

Is sotqa jetpeı jabylǵandyqtan, anasy advokat Rátjan Bersinbaevtan osy isti qolǵa alýyn ótingen. Orda.kz tilshisi osy oqıǵadan keıin advokat Bersinbaev, qyzdyń anasy jáne psıholog Marjan hanymmen birge Ile aýdandyq prokýratýrasyna bardy. Prokýratýra bólimshesinde tilshimizdiń quraldaryn kireberiste alyp qaldy. Isti qaıta ashý maqsatynda prokýratýraǵa júgingen.

«Sarapshylardyń qorytyndysy boıynsha isti japtyq. Qujattardy Qonaev qalasynan ala alasyzdar. Pedofıldi bostandyqqa shyǵara salatyn biz aqymaq emespiz ǵoı. Onyń kináli ekeni dáleldengen joq», — dedi Ile aýdany bas prokýrorynyń orynbasary.

Bizge qujattar Qonaev qalasynda dep, sol jaqqa baǵyttady. Ertesine biz Qonaev qalasyndaǵy Almaty oblystyq prokýratýrasyna jol tarttyq.

Orda.kz redakııasy Ǵabıt О́mirbekke habarlasyp, istiń mán-jaıyn anyqtady.

Ǵabıt О́mirbektiń aıtýynsha, ol «Kóremiz» baǵdarlamasyna Ińkárdiń (esimi ózgertildi – red.) isi boıynsha maman-spıker retinde qatysqan, biraq qyzdyń quqyǵyn qorǵaý týraly naqty ýáde bermegen. Baǵdarlamada aıtylǵan derekter kúmán týdyryp, ol osy másele boıynsha týystarynan qosymsha aqparat alǵan. Týystary kúdiktiniń kinásiz ekenin dáleldeıtin qujattaryn kórsetip, kómek suraǵannan keıin ǵana ol tergeýdiń onynshy aıynda iske qosylǵan.

«Ol kezde men Ińkárdiń quqyǵyn qorǵaý týraly ýáde bergen joqpyn. Tipti baǵdarlamadan keıin qurylǵan chattan da ýaqyt óte shyǵyp kettim. Sebebi baǵdarlama kezinde, dál sol mezette-aq, sot-medıınalyq saraptamasynyń qorytyndysy, anasynyń jaýaby jáne talqylanǵan basqa da derekter kúmán týdyrǵanyn aıtqanmyn.Baǵdarlama efırge shyqqannan keıin kúdiktiniń týystary habarlasyp, men aıtqan kúdikterdiń negizsiz emes ekenin rastaıtyn qujattaryn kórsetti. Olar kúdiktiniń kinásizdigin dáleldep, kómek surady. Osydan keıin tergeýdiń onynshy aıynda iske aralasyp, Instagram paraqshamda istiń mán-jaıyn jarııalap otyrdym», — deıdi Ǵabıt О́mirbek.

Ǵabıt О́mirbek Instagram paraqshasynda istiń egjeı-tegjeıin bólisip, quqyq qorǵaý organdaryna tergeýge erekshe nazar aýdarýdy suraǵan. 12 aılyq tergeý nátıjesinde kúdikti kinásiz dep tanylyp, bostandyqqa shyǵarylǵan.

Qazirgi tańda isti qaıta ashýǵa ótinish qaralyp jatyr. Orda.kz redakııasy isti baqylaýda ustap, jańalyqtarmen habardar etip otyrady.