جاڭالىقتار
10 جاستاعى قىزدى اۆتوبۋس قاعىپ كەتتى
مۇنايلى اۋدانى ماڭعىستاۋ اۋىلىندا 105-قوعامدىق كولىك جاياۋ جۇرگىنشىلەر وتكەلىندە 10 جاستاعى بالانى قاعىپ كەتكەن, دەپ حابارلايدى Qandastar.kz. قىز بالا وقيعا ورنىندا كوز جۇمدى.
مۇنايلى اۋداندىق پوليتسيا ءبولىمى باستىعىنىڭ ورىنباسارى باتىرحان سىنداروۆتىڭ ايتۋىنشا, اتالعان وقيعا بويىنشا قىلمىستىق ءىس قوزعالىپ, اۆتوبۋس جۇرگىزۋشىسى ۋاقىتشا ۇستاۋ يزولياتورىنا قامالعان.
«قوعامدىق كولىك جۇرگىزۋشىسى جول قوزعالىسى ەرەجەلەرىن ساقتاماي, رەتتەلمەيتىن جاياۋ جۇرگىنشىلەر وتكەلىنەن ءوتىپ بارا جاتقان ءجاسوسپىرىمدى قاعىپ كەتكەن. جول-كولىك وقيعاسى سالدارىنان دەنە جاراقاتىن العان قىز وقيعا ورنىندا قازا تاپتى. جۇرگىزۋشىگە قاتىستى قر قىلمىستىق كودەكسىنىڭ 345-بابىنىڭ 3-بولىگى بويىنشا تەرگەۋ باستالدى. قوعامدىق كولىك ايىپتۇراققا قويىلدى», — دەيدى مۇنايلى اۋداندىق پوليتسيا ءبولىمى باستىعىنىڭ ورىنباسارى باتىرحان سىنداروۆ.
