جاڭالىقتار
«100 مىڭ ايلىق الامىن»: شىمكەنتتىڭ ەكس-اكىمىنىڭ اعاسى مارات ايتەنوۆ بالالارىنا 50 مىڭ تەڭگە اليمەنت تولەيدى
فوتو: اشىق دەرەككوز
وتباسىن كۇشتەپ ۇيدەن قۋىپ شىققان مارات ايتەنوۆ بۇرىنعى جۇبايى دانا اتەشوۆانىڭ كوپ ءسوزىن جالعان دەپ, م ۇلىك ءۇشىن جانجالداسپايتىنىن جانە ونىمەن تالاسقا تۇسپەگەنىن مالىمدەدى. بۇل تۋرالى Stan.kz اقپارات اگەنتتىگى Barys Media Youtube-ارناسىنا سىلتەمە جاساپ حابارلايدى.
ايتەنوۆتىڭ سوزىنشە, بالا-شاعاسىن شىعارىپ جىبەرگەن ءۇيدى 2017 جىلى اكەسى ساتىپ العان. وندا قارىنداسى مەن اكەسى 1 جىل تۇرعان ەكەن. 2018 جىلدىڭ شىلدەسىنەن كەيىن مارات ايتەنوۆ وتباسىمەن بىرگە اكەسىمەن بىرگە تۇرۋعا كەلىسەدى. بىراق 1 جىلدان سوڭ اكەسى بولەك كەتسە كەرەك.
سوزىنشە, اكەسى بۇل ءۇيدى كەيىن وعان سىي رەتىندە تابىستاپ, اتىنا اۋدارىپ بەرگەن. مۇنداي ۇيلەر بولىسكە سالىنبايدى دەيدى ول.
“پاندەميا كەزىندە دانا ەكەۋمىزدىڭ ارامىزدا جانجال كوبەيىپ, اجىراسۋ تۋرالى ۇسىنىس ايتتىم. ول قازاننىڭ 16-ى اجىراسۋ تۋرالى ءوتىنىش بەردى دە, جەلتوقساندا تولىق ەكىگە كەتتىك. م ۇلىك, بالا, ت.ب. بويىنشا شاعىمى جوق ەكەنىن ايتتى”, – دەدى ايتەنوۆ.
ايتۋىنشا, كەيىن ءۇيدى دە, پاتەردى دە تالاپ ەتىپ, بالالاردىڭ اتىنا جازۋدى سۇراعان.
ء“بىز بۇل ۇيدە تۇرۋعا 1 جىل ۋاقىت بەردىك, كەيىن ونى بوساتۋ كەرەك ەدى. ورنىنا پاتەر بەردىك. “250 كۆادراتتىق ءۇيدى قاراي المايسىڭ, ودان دا پاتەردە تۇر” دەدىم. سەبەبى ونداي ۇلكەن ۇيگە كۇتىم كەرەك, ال ول ەڭبەككە اسا ماشىقتانباعان”, – دەدى ول.
سوزىنشە, ول اجىراسقان سوڭ دانا اتەشوۆاعا Land Cruiser كولىگىن جانە استاناداعى 4 بولمەلى پاتەردى بەرگەن. بىراق ول ازدىق ەتتى دەپ وتىر.
“مەن وعان العاشىندا “ورتاق پاتەرىمىزدى ساتايىق تا, اقشانى ءبولىپ الايىق دەپ ەدىم, كەلىسپەدى, تولىق پاتەردى بەر دەدى. دانانىڭ كۇيەۋگە شىققانعا دەيىن 2012 جىلى العان ءوز پاتەرى بار. ونى 2022 جىلى ساتتى. مەن بەرگەن كولىكتى 23 ميلليون تەڭگەگە ساتتى. ەندى ۇلكەن ءۇيدى دە العىسى كەلدى. مەن م ۇلىك ءۇشىن تالاسپايمىن, ول ماڭىزدى ەمەس. سول 4 بولمەلى پاتەرگە ورنالاسسىن”, – دەدى ايتەنوۆ.
سونداي-اق ايەلى مەنشىكتى بوساتۋ شەشىمىن ورىنداماعانىن جانە بالالاردى جازعى دەمالىس ۋاقىتىندا 1 اي ونىمەن تۇرۋعا بەرمەگەنىن اتاپ ءوتتى.
ايتۋىنشا, وسىنداي اتەشوۆانىڭ مالىمدەمەلەرىنەن كەيىن ول جۇمىسىنان شىعىپ قالعان جانە كوپ مەكەمەلەر ونىمەن جۇمىس ىستەگىسى كەلمەيدى.
“شۋ باسىلسىن دەپ وقۋعا كەتتىم. قايتىپ كەلگەنىمدە, ول مەنەن ۇلكەن سوما تالاپ ەتىپ, “ايتپەسە ينتەرنەتتە شۋ شىعارامىن” دەدى”, – دەيدى ول.
وسىعان دەيىن اليمەنتسىز-اق بالا-شاعاسىنىڭ بارلىق شىعىنىن جاۋىپ جۇرگەنىن ايتادى. بىراق كەيىن بۇرىنعى ايەلى ودان اليمەنت تالاپ ەتىپتى.
“3 بالا ءۇشىن جالاقىنىڭ 50%-ى بەرىلەدى. مەن وعان بالالاردىڭ شىعىنى ودان دا كوپ ەكەنىن ەسكەرتتىم. “تاڭدا: ەگەر اليمەنت تولەسەم, تەك وسى 50%-دى تولەيمىن, ال بىلاي اليمەنتسىز بارلىق شىعىنىن تولەيمىن” دەپ ايتتىم. قازىر 100 مىڭنىڭ 50 مىڭى دانا اتەشوۆاعا كەتىپ جاتىر”, – دەدى ايتەنوۆ.
ودان بولەك بالالارىنا مەكتەپ قۇرالدارىن, كيىم, بالاباقشا, دەمالىستارىن تولەپ بەرۋدەن قاشپايتىنىن ايتادى.
ەسكە سالايىق, دانا اتەشوۆا 12 شىلدە كۇنى بۇرىنعى كۇيەۋى مەن ونىڭ ادامدارى ءتارتىپ ساقشىلارىمەن ءوزىن ۇيدەن كۇشتەپ قۋىپ شىقپاق بولعانىن ايتتى. اتەشوۆا ءوزىنىڭ بۇرىنعى كۇيەۋى مارات ايتەنوۆتىڭ ۇستىنەن بىرنەشە رەت شاعىمدانعان. ول – شىمكەنت قالاسىنىڭ بۇرىنعى اكىمىنىڭ اعاسى. سونداي-اق دانا اتەشوۆا پرەزيدەنتتەن كومەك سۇراعان ەدى.
بۇعان دەيىن مارات ايتەنوۆتىڭ 5 تاۋلىككە قاماۋعا الىنعانى تۋرالى جازعان ەدىك.
