1000 doner taratylady: Astanada tegin donerge 4000 adam jınalǵan

Foto: vıdeodan skrınshot

Astanada Oljashan laqap atymen tanymal bloger Oljas Qaırat jarnama jasaımyn dep, tórt kóshede qozǵalystyń shektelýine sebep bolǵan, dep habarlaıdy qandastar.kz.

Bloger jelide dámhananyń ashylýyna oraı «1000 doner tegin taratylady» degen jarnama jasaǵan. Degenmen kelýshiler sany 4 myń adamnan asyp ketipti. Sol úshin tártip saqshylary da shaqyrtylǵan. Al kelýshilerge doner emes, talon taratylǵan.

Keıinnen blogerdiń ózi keleńsizdik úshin keshirim surap, uıymdastyrýshylardyń qonaqtarmen sýretke túsýge ruqsat bermeı qoıǵanyn aıtyp aqtaldy.

Osylaı bolyp ketedi dep oılamadyq. Bul jospardan tys boldy. Men úshin kelgendikten, barlyǵyna shyǵyp sýretke túskim keldi. Alaıda maǵan ruqsat bermedi. Keshirim suraımyn, – dedi Oljas Qaırat.

Al qalalyq Polıııa departamenti uıymdastyrýshylardyń tulǵasyn anyqtap, jeke kásip ıesi ákimshilik jaýapkershilikke tartylǵanyn alǵa tartty.