1051 adam qaıta almaı otyr: Qazaqstandyq áýekompanııalar birqatar elge áýe reısterin toqtatty

Foto: t.me/airastana

Qazaqstandyq áýekompanııalar qaýipsizdikti qamtamasyz etý maqsatynda Dýbaı men Doha qalalaryna birqatar reısti ýaqytsha toqtatty, dep jazdy qandastar.kz

Bul týraly Stan.kz aqparat agenttigi habarlaıdy.

Kólik mınıstrliginiń málimetinshe, 2025 jylǵy 24 maýsym kúngi jaǵdaı boıynsha Taıaý Shyǵystaǵy áskerı-saıası ahýaldyń kúrt shıelenisýine baılanysty birqatar elde resmı túrde shekteýler engizilip, azamattyq avıaııaǵa arnalǵan áýe keńistikteri jabyldy.

«Májbúrli sharalar qarýdy qoldaný qaýpi, navıgaııalyq júıelerdiń durys jumys istemeýi, áýe qorǵanysy júıeleriniń belsendiligi jáne azamattyq áýe kemeleriniń ushýy úshin joǵary táýekelderge baılanysty qabyldandy», – delingen mınıstrlik habarlamasynda.

Sońǵy málimetke sáıkes, myna elderde shekteýler engizilgen:

— Izraıl áýe keńistigi tolyq jabyq;

Iran áýe keńistigi tolyq jabyq (onyń ishinde Parsy jáne Oman shyǵanaqtary);

Irak, Iordanııa, Lıvan – zymyran men dron shabýyl qaýpine sáıkes ushýlardy ýaqytsha shekteý;

Kýveıt, Bahreın, BAÁ – reısterdi shekteý jáne toqtatý, ishinara qaqtyǵys aımaǵyna jaqyn marshrýttardy buǵattaý.

Iri halyqaralyq avıatasymaldaýshylar da reısterdi ýaqytsha toqtatqan. Olardyń qatarynda Air France-KLM, United, American Airlines, Japan Airlines, Air Canada Dýbaı, Doha jáne Er-Rııadqa ushýdy toqtatty. Qatar Airways ushý kestesin retteıdi. Etihad resmı eskertý jasady. Emirates qaqtyǵys aımaǵyn aınalyp ushýdy jalǵastyryp jatyr.

«Osyǵan baılanysty qazaqstandyq áýe kompanııalary qaýipsizdikti qamtamasyz etý maqsatynda Dýbaı men Doha qalalaryna birqatar reısti ýaqytsha toqtatty. Jalpy alǵanda bul jaǵdaı 1 734 jolaýshyǵa áser etti», – dep málimdedi kólik mınıstrligi.

Elimizden shetelge shyqpaq bolǵan adam sany 683 bolsa, shetelden elge oralatyn adam sany – 1051 adam.

«Qazaqstandyq avıakompanııalardyń Parsy shyǵanaǵy elderine ushýǵa baǵyttalǵan reısterdi toqtata turýy – aımaqtaǵy áskerı-saıası jaǵdaıdyń kúrt shıelenisýine negizdelgen májbúrli shara. Áýekompanııalar qabyldaǵan sheshim halyqaralyq tájirıbege sáıkes qabyldandy. Basty maqsat – jolaýshylar men ekıpaj músheleriniń qaýipsizdigin qamtamasyz etý», – delingen vedomstov habarlamasynda.

Mınıstrlik ókilderiniń habarlaýynsha, qoldanystaǵy zańnamaǵa sáıkes, jolaýshylar ystyq tamaqpen, qonaqúı jáne transfermen qamtamasyz etildi.

Toqtatylǵan nemese keıinge shegerilgen reıster boıynsha jolaýshylar
tegin qaıta bron qoıa alady nemese áýe bıletteriniń qunyn tolyq qaıtaryp ala alady.

Qosymsha aqparat alý úshin myna nómirlerge habarlasý qajet:

Air Astana
help.airastana.com

+7 727 244 4477 (24/7)
+7 7172 584477 (24/7)
+7 702 702 4477 (24/7)
+7 7272 44 44 78 (24/7)
WhatsApp: +7 702 702 00 74 (24/7)Online chat: airastana.com (24/7)

SCAT
+7 7252 99 88 80
+7 701 738 25 76

Qazaqstannyń avıaııalyq ákimshiligi
+7 7172 79 82 15

Eske salsaq, Izraıl Irannyń atysty toqtatý rejımin buzyp, taǵy zymyran ushyrǵanyn málimdedi.

Buǵan deıin AQSh prezıdenti Donald Tramp Izraıl men Iran tolyq atysty toqtatý týraly kelisimge kelgenin aıtqan edi.