الماتى بازارلارىندا ساتۋشىلارعا كۇش كورسەتىپ, اقشا بوپسالاعان قىلمىستىق توپ قۇرىقتالدى

فوتو: اشىق دەرەككوز

الماتى وبلىسىۇيىمداسقان قىلمىسقا قارسى كۇرەس دەپارتامەنتى قىزمەتكەرلەرى الماتى بازارلارىندا رەكەتپەن اينالىسقان جىگىتتەردى ۇستادى. بۇل تۋرالى Stan.kz اقپارات اگەنتتىگى حابارلايدى.

پوليتسيانىڭ مالىمەتىنشە, 27 مامىردا الماتى وبلىسىنىڭ ۇيىمداسقان قىلمىسقا قارسى كۇرەس دەپارتامەنتىنە الماتى قالاسى مەن وبلىستىڭ بازارلارىندا قىلمىستىق توپتىڭ كاسىپكەرلەردەن «پاتروناجدىق» ءۇشىن اقشا بوپسالاعانى تۋرالى اقپارات تۇسكەن.

پوليتسياعا الماتى وبلىسىنىڭ 47 جاستاعى تۇرعىنى حابارلاسىپ, 13 مامىردا قاراساي اۋدانىندا ءبىر توپ ادام دەنە كۇشىن قولدانىپ, جالپى سوماسى 3,5 ميلليون تەڭگەسىن الىپ كەتكەنىن حابارلاعان.

«25 شىلدەدە ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى الماتى وبلىسى بويىنشا ۇلتتىق قاۋىپسىزدىك دەپارتامەنتىمەن بىرلەسىپ, وبلىستىق پروكۋراتۋرانىڭ كەلىسۋىمەن 31 جانە 36 جاس ارالىعىنداعى ەر ادامداردى انىقتاپ, ۇستادى», – دەلىنگەن حابارلامادا.

كۇدىكتىلەر ۋاقىتشا ۇستاۋ يزولياتورىنا قامالدى. ولاردىڭ وسىعان ۇقساس باسقا دا قىلمىستارعا قاتىستىلىعى انىقتالىپ جاتىر.