«1066 teńge qalaı jetedi?»: Rınat Zaıytovtyń suraǵy vıe-mınıstrdi tyǵyryqqa tiredi

Foto: Májilis

Májilis depýtaty Rınat Zaıytov jetim balalardyń jaǵdaıyna baılanysty Eńbek jáne halyqty áleýmettik qorǵaý mınıstrine suraq qoıdy, dep habarlaıdy Skifnews.kz aqparat portaly Qaz365.kz saıtyna silteme jasap.

Májiliste mınıstrliktiń ókilderi Qazaqstanda 22 myń jetim bala baryn habarlaǵan.

«Bıyl qansha jetim bala pátermen qamtylady? Naqty sandarmen jaýap berseńizder. О́ıtkeni jyl saıyn jetim balalar páterinen aıyrylyp qalady. Ala almaı qalady. Tentirep esikterdi tozdyryp júredi. Granttaryńyz boıynsha, múgedektigi bar adamdarǵa 1,2 mln teńge grant beremiz deısizder. Biraq beretin grantty 500 myń teńge para bermese taǵy joq. Oǵan da naqty dálelderimiz bar. Sizder taraptan eshqandaı jaýap joq», – deıdi depýtat.

Rınat Zaıytov ótemaqy jaıly da aıtty.

«Aıdy aspanǵa shyǵarǵandaı aıǵaılap aıtasyzdar. 21 myń teńgeden 32 myń teńgege deıin ósirdik deısiz. Maksımaldy túrde alaıynshy, adam retinde suraıynshy: 32 myń teńge kúnine shaǵatyn bolsań, 1066 teńge bolady. Kópbalaly áke retinde qoıaıyn. Eki jasar balaǵa kúnine 1066 teńge qalaı jetedi? Mınıstrdiń orynbasary, komıtet basshylary otyrsyzdar ǵoı osy jerde», – dep surady Rınat Zaıytov.

Eńbek jáne halyqty áleýmettik qorǵaý vıe-mınıstri Oljas Anafın bul suraqqa jaýap bere almady. Keıin jazbasha jaýap berýge ýáde berdi.