جاڭالىقتار
108 مەديتسينا قىزمەتكەرى جاۋاپكەرشىلىككە تارتىلدى
فوتو: اشىق دەرەككوز
108 مەديتسينا قىزمەتكەرى جاۋاپكەرشىلىككە تارتىلدى, دەپ جازادى qandastar.kz.
atamekenbusiness_qaz حابارلاعانداي, ىشكى ىستەر مينيسترلىگىنىڭ مالىمەتىنشە, ولار مەديتسينالىق جانە پسيحواكتيۆتى پرەپاراتتاردى ساقتاۋ شارتتارىن بۇزعان. مۇنى ۆەدومستۆو 1 مىڭنان استام ۇيىمدى تەكسەرۋ كەزىندە انىقتاعان.
«3 مىڭ توننا سينتەتيكالىق ەسىرتكىلەردى وندىرۋگە قولداناتىن قوس ماقساتتاعى تاۋارلارعا شەكتەۋ قويىلدى. ساقتاۋ ءتارتىبىن بۇزعانى ءۇشىن 44 مىڭنان استام تابلەتكا مەن 14 مىڭ امپۋلا پسيحوبەلسەندى پرەپاراتتاردىڭ اينالىمى شەكتەلدى. ەسىرتكى قۇرالدارىمەن جۇمىس ىستەۋ سالاسىندا 5 قىلمىستىق قۇقىق بۇزۋشىلىق انىقتالدى», – دەدى ءىىم ەسىرتكى قىلمىسىنا قارسى ءىس-قيمىل كوميتەتى توراعاسىنىڭ ورىنباسارى قۋاندىق ءالجانوۆ.
