قازاقستان ەسكى ۆاگونداردان قاشان قۇتىلادى? مينيستر جاۋاپ بەردى

ۇكىمەتتىڭ بريفينگىندە جۋرناليستەردىڭ ساۋالىنا جاۋاپ بەرگەن باسقارما باسشىسى 200-دەن اسا ۆاگون ساتىپ الىنعاننان كەيىن ۆاگون تاپشىلىعى ماسەلەسى تولىعىمەن شەشىلەتىنىن ايتتى.

«وكىنىشكە قاراي, 2 667 ۆاگون جەتكىلىكسىز. ۆاگوندار پاركى وتە ەسكى, ونىڭ 30 پايىزى 25 جىلدان اسقان. ولاردا كونديتسيونەرلەر جوق. سوندىقتان جازدىڭ ىستىق كەزەڭىندە بەلگىلى ءبىر ۆاگونداردى اينالىمنان شىعارامىز. سوندىقتان دا ايتايىن (بيىل – ەسك.) قتج ءۇشىن جىلجىمالى قۇرامدى جەتكىزۋدى ايتارلىقتاي ارتتىردىق», – دەپ ءتۇسىندىردى مينيستر.

جۋرناليستەر قاراباەۆتان ناقتى مەرزىمدى اتاۋدى سۇرادى.

ء«بىزدىڭ ەسەپتەۋلەرىمىز بويىنشا ناقتى مەرزىمدەر بار, بيىل – 140 (ۆاگون جاڭارتىلادى. – ەسك.), كەلەسى جىلى – 224 جانە 2026 جىلى 250-دەن استام ۆاگون العان كەزدە ۇلتتىق كومپانيادا شامامەن ءۇش مىڭ ۆاگون بولادى جانە بۇل ماسەلەلەردى رەتتەۋگە جەتكىلىكتى بولادى. قالاي بولعاندا دا, جەتكىزۋ جانە بەلسەندى جاڭارتۋ ءجۇرىپ جاتىر», – دەپ جاۋاپ بەردى مارات قاراباەۆ.

كولىك ءمينيسترى قازاقستاندىقتاردان شاعىم تۇسىرەتىن جەكە ۆاگون پاركتەرى تۇراقتى باقىلاۋدا ەكەنىن اتاپ ءوتتى.

«جاقىندا عانا باق-تا بەلگىلەنگەن نورمالاردى ساقتاماعانى ءۇشىن سالىنعان ايىپپۇلدار تۋرالى حابارلادىق. بىراق قازىر ۆاگون قۇرامى جەتىسپەيدى. ەگەر جەكە تاسىمالداۋشىلاردى توقتاتاتىن بولساق, وندا بۇل تاپشىلىقتىڭ ودان دا كوبەيۋىنە اكەلەدى. ءيا, ۆاگونداردىڭ ەسكى ەكەنىن تۇسىنەمىز. بىراق, ۆاگون پاركىن تولىقتىرا سالىسىمەن, وسىدان كەيىن دە وسىنداي جەكەمەنشىك شەشىم قابىلدايمىز», – دەپ تولىقتىردى كولىك ءمينيسترى.