11 jyl kinásiz abaqtyda otyrǵan Aqjarqyn Turlybaıǵa qatysty tyń derek shyqty

Foto: ashyq derekkóz

Qazaqstan Syrtqy ister mınıstrliginiń resmı ókili Aıbek Smadııarov Qytaıda ómir boıyna bas bostandyǵynan aıyrylǵan qazaqstandyq Aqjarqyn Turlybaıǵa qatysty jaǵdaıǵa pikir bildirdi, dep habarlaıdy qandastar.kz  ALASH.KZ-ke silteme jasap.

Smadııarovtyń aıtýynsha, bul iske baılanysty odan arǵy jumystardy Qazaqstan Bas prokýratýrasy júrgizedi.

«Qajetti jumystardyń barlyǵy atqaryldy. Endi bul ispen ári qaraı Bas prokýratýra aınalysady, aqparat almasý solardyń jelisi boıynsha júzege asady», – dedi ol.

Jýrnalıster Aqjarqyn Turlybaımen Qazaqstan elshiliginiń ókilderi kezdesken-kezdespegenin de surady.

«Bul – sheteldegi túrmelerde otyrǵan bizdiń azamattardy konsýldyń jyl saıyn barý tártibine sáıkes jasalatyn kúndelikti jumys. Sondyqtan bul baǵyttaǵy jumystar júrgizilip jatyr», – dep túsindirdi SIM ókili.

Buǵan deıin Bas prokýratýraǵa Aqjarqyn Turlybaıdyń jazasyn Qazaqstanda óteýge nıetti ekeni týraly ótinish túskeni habarlanǵan.

Sáýir aıynda Aqjarqyn Turlybaıdy Qazaqstanǵa ekstradıııalaý týraly jelidegi aqparat taraǵan bolatyn. Alaıda bul málimetti Bas prokýratýra rastaǵan joq.