Almaty irgesinde balalarǵa shabýyl jasalǵan: er adam zorlady degen kúdikke ilindi

Eske salaıyq, 16 aqpanda Qazaqstandy adamshoshyrlyq oqıǵa týraly habar eleń etkizdi. Almaty oblysynyń Jambyl aýdanynda belgisiz er adam úıge basyp kirip, ondaǵy tórt balaǵa shabýyl jasaǵan. Sosyn olardy uryp-soǵyp, baılap, tamaǵyna pyshaq suqqany habarlandy. Balalardyń aıǵaıyna kórshileri júgirip kelgen.

Prokýratýra málimetinshe, úıge basa-kóktep kirgen er adamǵa qatysty úsh bap boıynsha sotaldy tergeý júrgizilgen:

• 120-baptyń 1-bóligi «Zorlaý, ıaǵnı jábirlenýshige nemese basqa adamdarǵa kúsh qoldanyp nemese ony qoldaný qaterin tóndirip ne jábirlenýshiniń dármensiz kúıin paıdalanyp jynystyq qatynasqa túsý», 120-baptyń 4-bóligi «Zorlaý» , ıaǵnı jábirlenýshige nemese basqa adamdarǵa kúsh qoldanamyn nemese ony qoldanamyn dep qorqytý arqyly ne jábirlenýshiniń dármensiz jaǵdaıyn paıdalanyp, birneshe ret jasalǵan jynystyq qatynas»;
• 126-baptyń 2-bóliginiń 5, 7-tarmaqtary «Kámeletke tolmaǵan adamǵa qatysty, eki nemese odan da kóp adamǵa qatysty bas bostandyǵynan zańsyz aıyrý»;
• 149-baptyń 2-bóligi «Kúsh qoldanyp ne ony qoldaný qaterin tóndirip jasalǵan nemese adamdar toby jasaǵan nemese túngi ýaqytta jasalǵan nemese zańsyz tintýmen ulasqan dál sol is-áreket, sol sııaqty turǵynjaıdan zańsyz shyǵarý».

Eske salaıyq, Almaty oblysynyń Jambyl aýdanynda belgisiz bireý kámeletke tolmaǵan tórt balany baılap, uryp, qınap, pyshaqpen qorqytqan. Bul derekke qatysty oblys basshysy Baýyrjan Álenov pikir bildirgen edi.

Úsh ul bala men bir qyzdyń shyryldaǵan daýsyn estigen kórshileri júgirip kelipti. Kúdikti sol sátte qashyp úlgergen. Balalardyń úlkeni 13 jasta. Qalǵany 12, 10 jáne 8 jasta. Kúdikti olardyń tamaǵyna pyshaq taqap qorqytyp, tipti zorlamaq bolypty.

«Pedofıldiń kelgenin kórdik. Kórshilermen jabylyp jetkenshe qashyp úlgerdi. Esikten kirgen ǵoı, anasynyń úıden shyǵyp ketkenin kórip. Al terezeni, balalardy qutqaramyz dep kórshiler syndyrdy», – dedi Jadyra Janabaeva.

Sumdyq jaǵdaıdan keıin balalardyń tórteýi de aýrýhanaǵa jetkizilgen. Dárigerler shuǵyl medıınalyq kómek kórsetip, basy men betinen jaraqat alǵan kenje ulyn oblystyq balalar aýrýhanasyna jatqyzǵan. Qalǵanyn ambýlatorııalyq emge jibergen.