«12 kún komada jaty»: О́skemendegi lagerde 8 jastaǵy bala átkenshekten qulap mert boldy

Foto: Vıdeodan skrın

«Schastlıvaıa jızn» lagerindegi uzartylǵan kún tobynda oqyp júrgen 8 jastaǵy Arsenıı 11 shilde kúni erekshe kútimdi qajet etetin balalarǵa arnalǵan átkenshekten qulap qaıtys boldy. Bul týraly Stan.kz aqparat agenttigi habarlaıdy.

Arsenııdiń ákesi qaıǵyly jaǵdaıdyń qalaı bolǵanyn áleýmettik jelidegi paraqshasynda aıtyp berdi.

«Arsenıı 11 shilde kúni «Schastlıvaıa jızn» lagerinde tárbıeshiniń qaraýynsyz erekshe kútimdi qajet etetin balalarǵa arnalǵan átkenshekke otyrǵan. Ol átkenshekten qulap, aýyr jaraqattar aldy. Saldarynan 12 kún komada jatyp, júregi toqtap qaldy. Balam qaraýsyz qalǵan. Átkenshek te qırap tur, balalarǵa oınaýǵa bolmaıdy. Lagerdi tańdaǵanda muqııat bolyńyz, leenzııasyn qarańyz, qalaı jumys isteıtinin. Balalaryńyzǵa abaı bolyńyz, qaraýsyz qaldyrmańyz. Bul istiń qaraýsyz qalǵanyn qalamaımyn. О́ıtkeni meniń ulymnyń ornynda basqa bala bolýy múmkin. Buǵan deıin bir qyz qolyn syndyrǵan edi», – deıdi qaıtys bolǵan balanyń ákesi.

Onyń aıtýynsha, atalmysh ortalyq áleýmettik jelige jarnama berip, balalardy qabyldap jatqan kórinedi.

«Bul átkenshekten birneshe bala qulap, zardap shekkenin bilemiz. Átkenshek erekshe kútimdi qajet etetin balalarǵa arnalǵan, ol óte aýyr jáne onyń jan-jaǵy qorshalmaǵan. Bolǵan jaǵdaıdan keıin «Schastlıvaıa jızn» ortalyǵy áli jumys istep tur. Olar jelige balalardy qabyldaıtyny týraly jarnama bergen eken. Erteń ata-analar prokýratýraǵa baryp shaǵym túsirmek. О́ıtkeni bolǵan jaǵdaıǵa qatysty is qozǵalǵan joq. Qoǵam bolǵan oqıǵanyń mán-jaıy men tárbıeshilerdiń jaýapsyzdyǵy týraly bilsin, osy ortalyqtyń jáne basqa da jekemenshik ortalyqtardyń leenzııasyn teksersin. Kóptegen ata-ana bul átkenshekti alyp tastaýǵa kelisedi dep oılaımyn», – deıdi olar.