جاڭالىقتار
12 شىلدەدەن باستاپ بەتتى جاۋىپ تۇراتىن كيىم كيۋگە بولمايدى: پوليتسيا ەسكەرتۋ جاسادى
پوليتسيا قىزمەتكەرلەرى قوعامدىق ورىنداردا بەت-الپەتتى تانۋعا كەدەرگى كەلتىرەتىن كيىم تۇرلەرىن كيۋگە تىيىم سالىنۋىنا بايلانىستى ءتۇسىندىرۋ جۇمىستارىن جۇرگىزىپ جاتىر, دەپ حابارلايدى Qandastar.kz Polisia.kz-كە سىلتەمە جاساپ.
“زاڭناماعا ەنگىزىلگەن تۇزەتۋلەردىڭ باستى ماقساتى – ازاماتتاردىڭ ءدىني سەنىم بوستاندىعى قۇقىعىن قوسا العاندا, ولاردىڭ قۇقىقتارى مەن بوستاندىقتارىن شەكتەمەي, قوعامدىق قاۋىپسىزدىكتى قامتاماسىز ەتۋ, تۇلعالاردى سايكەستەندىرۋ جانە قوعامدىق ءتارتىپتى ساقتاۋ”, – دەيدى پوليتسيا.
ۋچاسكەلىك ينسپەكتورلاردىڭ ايتۋىنشا, بۇل تىيىم ازاماتتىڭ بەت-الپەتىن تولىق جاۋىپ, ونىڭ كىم ەكەنىن انىقتاۋعا كەدەرگى كەلتىرەتىن كيىمدەرگە, اتاپ ايتقاندا ماسكا مەن نيكابقا قاتىستى. ال ادامنىڭ ءجۇزىن جاپپايتىن حيدجاب, شەيلا, حيمار, ال-اميرا سياقتى ءدىني كيىمدەردى كيۋگە رۇقسات.
الايدا تىيىمنىڭ:
- اۋا رايىنا بايلانىستى;
- مەديتسينالىق كورسەتىمدەرگە بايلانىستى;
- زاڭ تالاپتارىن ورىنداۋ كەزىندە;
- قىزمەتتىك مىندەتتەردى اتقارۋ بارىسىندا;
- ازاماتتىق قورعاۋ سالاسىنداعى قىزمەتكە قاتىسى جوق.
ەسكە سالساق, قازاقستاندا قوعامدىق ورىندا بەت-الپەتتى جاۋىپ جۇرۋگە رەسمي تۇردە تىيىم سالىنعان ەدى.
