12 jasar qyzdyń ishinde 7 aılyq bala bar: Qyzdy ákesiniń eki inisi kezekpen zorlap kelgen

Foto: ashyq derekkóz

Jastary 40-qa taqaǵan jambyldyq aǵaıyndy pedofılder alty jyl boıy týǵan aǵalarynyń 2012 jylǵy qyzyn zorlap kelgen, dep jazady qandastar.kz Smartnews.kz basylymyna siltep.

Jambyl oblysynyń Moıynqum aýdanyna qarasty aýyldardyń birinde 12 jastaǵy qyzdy týǵan ákesiniń eki inisi alty jyl boıy zorlap kelgen. Aqyr aıaǵy qyz bala júkti bop qalǵan. Qazir ol júktiliktiń jetinshi aıynda.

Aıaǵy aýyr qyz bala osy ýaqyt aralyǵynda sabaqtarynan qalmaǵan, al mekteptegiler qyzdyń ekiqabat ekenin tipti baıqamaǵan bop shyqty.

Orda.kz basylymy qyzdyń týystarymen tildesken. Belgili bolǵandaı, balaǵa qumartqan qaskóı aǵaıyndylardyń biri 37, al ekinshisi 35 jasta kórinedi.

Odan bólek kúdiktilerdiń biri áli de bostandyqta qashyp júrgen kórinedi. Sol úshin de qyzdyń naǵashylary jıeniniń ómiri úshin qatty alańdaýly. Olar «zorlyqshy qudalarynyń» qyzǵa qysym kórsetýin, ony odan ári qorqytýyn jalǵastyra ma dep qorqady. Polıııa QR Qylmystyq Kodeksiniń 120-babynyń 4-bóligi boıynsha qylmystyq is qozǵalǵany týraly habarlaǵan edi. Atalǵan bapqa mán bersek, eger kúdiktilerdiń qylmystary dáleldense, kináliler kámeletke tolmaǵan balany birigip zorlap kelgeni úshin elimizdegi eń aýyr jazaǵa tartylady. Iaǵnı olar — ómir boıyna bas bostandyǵynan aıyrylady.

«Qylmys jasady degen eki kúdikti anyqtaldy. Jedel-izdestirý is-sharalaryn júrgizý nátıjesinde polıııa qyzmetkerleri bir kúdiktini ustap, ony tutqyndady. Al ekinshi kúdikti izdestirilip jatyr. Ony ustaý úshin barlyq qajetti sharalardy qoldanyp jatyrmyz. Sondaı-aq mektep qyzmetkerlerine qatysty oqýshynyń ómiri men densaýlyǵynyń qaýipsizdigin qamtamasyz etý jónindegi mindetterdi tıisinshe oryndamaǵany úshin QR QK 141-babynyń 1-bóligi boıynsha qylmystyq is qozǵaldy», — dep túsindirdi polıııa.

Qazirgi ýaqytta jedel-tergeý toby jumys istep jatyr. Qylmystyq is polıııa departamenti basshylyǵynyń baqylaýyna alynǵan.