جاڭالىقتار
12 جاسار قىزعا ۇياتسىز حابارلامالار جىبەرگەن قازاقستاندىق 7 جىلعا سوتتالدى
فوتو: Pixabay.com
الماتىداعى كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتى 12 جاستاعى وقۋشى قىزعا ادەپسىز ارەكەتتەر جاساعان ەر ادامعا ۇكىم شىعاردى, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
ەر ادام استانادا جۇرگەن كەزىندە Telegram مەسسەندجەرى ارقىلى الماتىداعى گيمنازيالاردىڭ بىرىندە 6-سىنىپ وقيتىن قىزبەن تانىسقان. مۇنى تەرگەۋ بارىسىندا مەدەۋ اۋداندىق پروكۋراتۋراسى انىقتادى.
«ەر ادام ۆيدەوبايلانىس ارقىلى ينتيمدىك سيپاتتاعى رۇقسات ەتىلمەيتىن ادەپسىز ارەكەتتەردى جاساعان», – دەلىنگەن حابارلامادا.
سوت ونى قىلمىستىق كودەكستىڭ 124-بابىنىڭ 1-بولىگى “ون التى جاسقا تولماعان ادامداردى ازعىندىق جولعا ءتۇسىرۋ” بويىنشا كىنالى دەپ تانىدى.
«ول 7 جىلعا باس بوستاندىعىنان ايىرۋ جازاسىن قىلمىستىق-اتقارۋ جۇيەسىنىڭ قاۋىپسىزدىگى ورتاشا مەكەمەسىندە وتەۋ جازاسىنا كەسىلدى», – دەلىنگەن حابارلامادا.
ۇكىم زاڭدى كۇشىنە ەندى.
ەسكە سالساق, اباي وبلىسىندا وقۋشى قىزدى زورلاعان مۇعالىمءومىر بويىنا باس بوستاندىعىنان ايىرىلعان ەدى.
