12 jasar qyzǵa uıatsyz habarlamalar jibergen qazaqstandyq 7 jylǵa sottaldy

Foto: Pixabay.com

Almatydaǵy kámeletke tolmaǵandardyń isteri jónindegi mamandandyrylǵan aýdanaralyq soty 12 jastaǵy oqýshy qyzǵa ádepsiz áreketter jasaǵan er adamǵa úkim shyǵardy, dep jazdy qandastar.kz

Bul týraly Stan.kz aqparat agenttigi habarlaıdy.

Er adam Astanada júrgen kezinde Telegram messendjeri arqyly Almatydaǵy gımnazııalardyń birinde 6-synyp oqıtyn qyzben tanysqan. Muny tergeý barysynda Medeý aýdandyq prokýratýrasy anyqtady.

«Er adam vıdeobaılanys arqyly ıntımdik sıpattaǵy ruqsat etilmeıtin ádepsiz áreketterdi jasaǵan», – delingen habarlamada.

Sot ony Qylmystyq kodekstiń 124-babynyń 1-bóligi “On alty jasqa tolmaǵan adamdardy azǵyndyq jolǵa túsirý” boıynsha kináli dep tanydy.
«Ol 7 jylǵa bas bostandyǵynan aıyrý jazasyn qylmystyq-atqarý júıesiniń qaýipsizdigi ortasha mekemesinde óteý jazasyna kesildi», – delingen habarlamada.

Úkim zańdy kúshine endi.

Eske salsaq, Abaı oblysynda oqýshy qyzdy zorlaǵan muǵalimómir boıyna bas bostandyǵynan aıyrylǵan edi.