الەۋمەت جانە قوعامجاڭالىقتار
12 جاستاعى وگەي قىزىن زورلاعان ەر ادام 20 جىلعا سوتتالدى
فوتو: اشىق دەرەككوز
قاراعاندىدا 12 جاسار وگەي قىزىنا زورلىق كورسەتتى دەگەن ايىپپەن ەۆگەني كۋلاگين ەسىمدى ازامات 20 جىلعا باس بوستاندىعىنان ايىرىلدى, دەپ حابارلايدى qandastar.kz
«ەۆگەني كۋلاگيننىڭ وگەي قىزى ونى ءۇي جۇمىستارىنا ماجبۇرلەگەنى ءۇشىن بيولوگيالىق اكەسىنىڭ كەڭەسىمەن جالعان ايىپ تاعۋعا ءماجبۇر بولعانىن مويىنداعان. باستاپقىدا جۇرگىزىلگەن ساراپتامالار زورلىق بەلگىلەرىن راستاعان جوق. الايدا پوليتسيانىڭ تالابىمەن قوسىمشا ساراپتامالار جۇرگىزىلىپ, بۇل جولى زورلىق بەلگىلەرى انىقتالدى دەگەن قورىتىندى جاسالعان», – دەپ جازىلعان «پاتريوت» Telegram ارناسىنداعى ماتەريالدا.
ەۆگەني كۋلاگيننىڭ ادۆوكاتى يليا ماحلوۆ قىزدىڭ العاشقى كۇنى-اق ايىپتاۋلاردان باس تارتقانىن مالىمدەدى. سونىمەن قاتار ادۆوكات تەرگەۋ بارىسىندا زاڭبۇزۋشىلىقتار بولعانىن ايتتى.
قاراعاندى وبلىسىنىڭ قىلمىستىق ىستەر جونىندەگى مامانداندىرىلعان سوتى ەۆگەني كۋلاگيندى 20 جىلعا باس بوستاندىعىنان ايىردى.
