12 جاسىندا انا اتانعان مەكتەپ وقۋشىسى: ءبىلىم مينيسترلىگى جاعدايعا تۇسىنىكتەمە بەردى

فوتو:  Pixabay

قر ءبىلىم مينيسترلىگى بالالاردىڭ قۇقىقتارىن قورعاۋ كوميتەتىنىڭ توراعاسى ناسىمجان وسپانوۆا 1 تامىزدا وكق بريفينگىندە پاۆلودار وبلىسىندا بوسانعان 12 جاستاعى وقۋشى مەكتەپتە وقۋىن جالعاستىرا ما, جوق پا, سونى ايتتى, دەپ حابارلايدى qandastar.kz.

Skifnews.kzاقپارات پورتالى بۇعان دەيىن جازعانداي, سپيكەر مەكتەپ وقۋشىلارىنىڭ جۇكتىلىك جاعدايى وتە سيرەك كەزدەسەتىنىن اتاپ ءوتتى.

«بۇل, ارينە, سۇمدىق جاعداي. اتالمىش فاكتىنى پسيحولوگيالىق جانە مەديتسينالىق قىزمەتتەردى قوسۋ ارقىلى بەلسەندى ارەكەت ەتە باستاعان مەكتەپ تاربيەشىلەرى بايقادى. وقيعا ۇيدە, كامەلەتكە تولماعان جاقىن تۋىسىنىڭ تاراپىنان بولعان. زورلاۋ فاكتىسى 2023 جىلدىڭ قازان ايىندا بولدى. بۇگىندە قىلمىستىق ءىس قوزعالدى. بۇل كامەلەتكە تولماعان بالا پسيحياتريالىق اۋرۋحانادا جاتىر, بەلگىلى ءبىر ساراپتامالار جۇرگىزىلۋدە», – دەدى وسپانوۆا.

ونىڭ ايتۋىنشا, بۇل جاعداي بالالاردىڭ قۇقىقتارىن قورعاۋ كوميتەتىنىڭ باقىلاۋىندا.

«ارينە, بالا وقۋدى جالعاستىرادى. پسيحولوگيالىق جانە پەداگوگيكالىق كومەك كورسەتىلەدى. بالالاردىڭ ءبىلىم الۋ قۇقىعى كونستيتۋتسيامەن قورعالعان», — دەپ تۇيىندەدى ناسىمجان وسپانوۆا.

23 شىلدەدە پاۆلودار وبلىسىنىڭ شارباقتى اۋدانىندا 12 جاسار وقۋشى «انا» اتانعانى بەلگىلى بولدى. وسى فاكتى بويىنشا ىشكى ىستەر ورگاندارى تەرگەۋ جۇرگىزۋدە.