12 jasynda ana atanǵan mektep oqýshysy: Bilim mınıstrligi jaǵdaıǵa túsinikteme berdi

Foto:  Pixabay

QR Bilim mınıstrligi balalardyń quqyqtaryn qorǵaý komıtetiniń tóraǵasy Nasymjan Ospanova 1 tamyzda OKQ brıfınginde Pavlodar oblysynda bosanǵan 12 jastaǵy oqýshy mektepte oqýyn jalǵastyra ma, joq pa, sony aıtty, dep habarlaıdy qandastar.kz.

Skifnews.kzaqparat portaly buǵan deıin jazǵandaı, spıker mektep oqýshylarynyń júktilik jaǵdaıy óte sırek kezdesetinin atap ótti.

«Bul, árıne, sumdyq jaǵdaı. Atalmysh faktini psıhologııalyq jáne medıınalyq qyzmetterdi qosý arqyly belsendi áreket ete bastaǵan mektep tárbıeshileri baıqady. Oqıǵa úıde, kámeletke tolmaǵan jaqyn týysynyń tarapynan bolǵan. Zorlaý faktisi 2023 jyldyń qazan aıynda boldy. Búginde qylmystyq is qozǵaldy. Bul kámeletke tolmaǵan bala psıhıatrııalyq aýrýhanada jatyr, belgili bir saraptamalar júrgizilýde», – dedi Ospanova.

Onyń aıtýynsha, bul jaǵdaı balalardyń quqyqtaryn qorǵaý komıtetiniń baqylaýynda.

«Árıne, bala oqýdy jalǵastyrady. Psıhologııalyq jáne pedagogıkalyq kómek kórsetiledi. Balalardyń bilim alý quqyǵy konstıtýııamen qorǵalǵan», — dep túıindedi Nasymjan Ospanova.

23 shildede Pavlodar oblysynyń Sharbaqty aýdanynda 12 jasar oqýshy «ana» atanǵany belgili boldy. Osy fakti boıynsha ishki ister organdary tergeý júrgizýde.