14 جاستاعى قىزدى زورلاماق بولعان: تۇركىستان وبلىسىنىڭ سارىاعاش اۋدانىندا شۋ شىقتى (ۆيدەو)

فوتو ۆيدەودان الىنعان

تۇركىستان وبلىسىنىڭ سارىاعاش اۋدانى, جىبەك جولى اۋىلىندا شۋ شىقتى. بۇل تۋرالى Stan.kz اقپارات اگەنتتىگى حابارلايدى.

14 شىلدەدەن 15 شىلدەگە قاراعان ءتۇنى اۋىلداعى ەكى ۇيگە جۇزدەن اسا ادام شابۋىل جاساعان. شابۋىل سالدارنان كەم دەگەندە جەتى ادام جارالانعان دەيدى اۋىل تۇرعىندارى. اقپارتتى اۋىل اكىمدىگى دە راستاپدى. الايدا, ولاردىڭ مالىمەتىنشە شابۋىلداۋشىلار ءجۇز ەمەس ەلۋ ادام بولعان.

«جىبەك جولى اۋىلدىق وكرۋگىندە جاستار تاراپىنان تۇسىنبەۋشىلىك بولعان. كەشكە جاستار اراسىندا الەۋمەتتىك جەلىدە قازاق قىزدى زورلاماقشى بولدى دەگەن اقپارات تاراعان. سودان كەيىن جاستار دۇربەلەڭگە تۇسكەن. دەگەنىمەن اۋىل ۇلكەندەرى دەر كەزىندە الدىن الىپ, كەلەڭسىز وقيعا بولعان جوق. ەشكىم جارالانبادى. قىلمىستىق ءىس قوزعالدى. جالعان اقپارات تاراتۋ بويىنشا بىرنەشە ازامات تەرگەلىپ جاتىر», – دەيدى سارىاعاش اۋدانى اكىمىنىڭ ورىنباسارى الديار قوزىباەۆ.

ۇيىنە زاقىم كەلگەن تۇرعىندار قانداي دا ءبىر جاۋاپ بەرۋدەن باس تارتتى. جابىرلەنۋشىلەردىڭ ءۇيىنىڭ ەسىكتەرى سىنعانىن بايقاۋعا بولادى. دۇربەلەڭگە كۋا بولدىق دەگەن وزگە تۇرعىندار وقيعانىڭ قورقىنىشتى بولعانىن ايتادى. ءسويتىپ ۇيىنەن شىقپاعان جۇرت كوشەگە ءبىر ساتتە جۇزدەن استام ادامنىڭ كەلگەنىن مالىمدەدى. ۇلكەن كولىكتەرمەن جەتكىزىلگەن جاس جىگىتتەر تەمىرمەن ۇرىپ وزگە ەر ادامداردىڭ قولىن سىندىرىپ, ءبىرىنىڭ باسىن جارعان دەيدى. ءسويتىپ باس-اياعى كەم دەگەندە 7 ادام جارالانعانىن ايتادى. قالا بەردى وسى وقيعادان كەيىن 3 كۇن بويى اۋىلدا نە بايلانىس, نە ينتەرنەت بولماپتى.

ء«وزىم ۇيىمنەن شىقپادىم. 100-دەي ادام توپالاڭ كوتەردى. نە بولعانىن دا تۇسىنبەي قالدىق. قامسىز وتىرعان ەدىك. پوليتسەيلەردىڭ دە قاۋقارى جەتپەي قالدى», – دەيدى اۋىل تۇرعىنى.

جىبەك جولى اۋىلىنداعى دۇربەلەڭ 14 جاستاعى قىزعا 11-سىنىپ وقۋشىسى ءتيىستى دەگەن حاباردان سوڭ باستالعان. تۇرعىندار گۇل دۇكەنىنە كەلگەن قىزعا جىگىتتىڭ قىرىنداعانىن ايتادى. ءسويتىپ قىزدان تەلەفون ءنومىرىن سۇراعانىن. ال, داۋ جىگىت قىزدى زورلاماقشى بولدى دەگەن اقپاراتتان سوڭ تۋعان. قىزدىڭ دا, جىگىتتىڭ دە اتا-اناسىنان سۇقبات الۋ مۇمكىن بولمادى. تۇرعىندار سوزىنشە جىگىتتىڭ تۋىستارىنىڭ ۇيىنە شابۋىل جاسالعان. ال جىگىتتىڭ ءوزى قازىر قاماۋدا. جانجالدان كەيىن قاماۋعا الىنعانداردىڭ تاعى ءبىرى 19 جاستاعى تيمۋر ەرگەشوۆ. ولاردىڭ ءبارىنىڭ ءۇي ماڭىندا پوليتسەيلەر تۇر.

«بالامدى قۇزىرلى ورگان وكىلدەرى جۇمىس ورنىنان الىپ كەتكەن. بەسىنشى كۇن بولدى جاتقانىنا. ءالى كورسەتپەيدى. كىرۋگە بولمايدى دەيدى. ءوز بالامدى وزىمە كورسەتپەي جاتىر بۇلار. كۇندە بارام-كەلەم. ەرتەڭ كەل, ەرتەڭ كەل دەيدى. نە ىستەسە دە موينىمەن كوتەرسىن. بۇل جەردە 30-40 بالا بار. بىراق, ءبىر عانا مەنىڭ بالامدى قاماپ تاستاعان. شىندىق جوق بۇل جەردە», – دەيدى تيمۋر ەرگەشوۆتىڭ اكەسى ەركىن انداكۋلوۆ.

ايتا كەتەيىك, اكىمدىك اۋىلدا 17 ۇلت وكىلى تۇراتىنىن مالىمدەدى. ولاردىڭ باسىم بولىگى قازاقتار, وزبەكتەر, ءازىربايجاندار ەكەن. وقيعادان سوڭ اۋىلدا شتاب دا قۇرىلىپ, وبلىس اكىمدىگىنىڭ جاۋاپتىلارى دا كەلگەن. قازىر اۋىلدى قۇقىق قورعاۋ وكىلدەرى باقىلاپ ءجۇر.

تۇرعىندار جابىرلەنگەن ءازىربايجان ۇلتىنىڭ وكىلدەرى ءازىربايجان رەسپۋبليكاسىنىڭ كونسۋلدىعىنان كومەك سۇراعانىن ايتادى. وسىدان كەيىن سارىاعاش اۋدانى, جىبەك جولى اۋىلىنداعى 16 جاستاعى مەكتەپ وقۋشىسى «زورلاۋ» جانە «قىلمىسقا وقتالۋ» كۇدىگىمەن ال, 19 جاستاعى جىگىت “بۇزاقىلىق» بابىمەن قاماۋعا الىندى. ەكەۋى ون كۇنگە قاماۋعا سانكتسيا بەرگەن.

ەسكە سالساق, بۇعان دەيىن سارىاعاشتا زورلىقپەن ولتىرىلگەن 5 جاسار قىزدىڭ اكەسى قىلمىسكەردىڭ ءۇيىن جەرمەن-جەكسەن ەتۋدى تالاپ ەتكەنى تۋرالى جازعان ەدىك.