14 jastaǵy qyzdy zorlamaq bolǵan: Túrkistan oblysynyń Saryaǵash aýdanynda shý shyqty (vıdeo)

Foto vıdeodan alynǵan

Túrkistan oblysynyń Saryaǵash aýdany, Jibek Joly aýylynda shý shyqty. Bul týraly Stan.kz aqparat agenttigi habarlaıdy.

14 shildeden 15 shildege qaraǵan túni aýyldaǵy eki úıge júzden asa adam shabýyl jasaǵan. Shabýyl saldarnan kem degende jeti adam jaralanǵan deıdi aýyl turǵyndary. Aqpartty aýyl ákimdigi de rastapdy. Alaıda, olardyń málimetinshe shabýyldaýshylar júz emes elý adam bolǵan.

«Jibek joly aýyldyq okrýginde jastar tarapynan túsinbeýshilik bolǵan. Keshke jastar arasynda áleýmettik jelide qazaq qyzdy zorlamaqshy boldy degen aqparat taraǵan. Sodan keıin jastar dúrbeleńge túsken. Degenimen aýyl úlkenderi der kezinde aldyn alyp, keleńsiz oqıǵa bolǵan joq. Eshkim jaralanbady. Qylmystyq is qozǵaldy. Jalǵan aqparat taratý boıynsha birneshe azamat tergelip jatyr», – deıdi Saryaǵash aýdany ákiminiń orynbasary Aldııar Qozybaev.

Úıine zaqym kelgen turǵyndar qandaı da bir jaýap berýden bas tartty. Jábirlenýshilerdiń úıiniń esikteri synǵanyn baıqaýǵa bolady. Dúrbeleńge kýá boldyq degen ózge turǵyndar oqıǵanyń qorqynyshty bolǵanyn aıtady. Sóıtip úıinen shyqpaǵan jurt kóshege bir sátte júzden astam adamnyń kelgenin málimdedi. Úlken kóliktermen jetkizilgen jas jigitter temirmen uryp ózge er adamdardyń qolyn syndyryp, biriniń basyn jarǵan deıdi. Sóıtip bas-aıaǵy kem degende 7 adam jaralanǵanyn aıtady. Qala berdi osy oqıǵadan keıin 3 kún boıy aýylda ne baılanys, ne ınternet bolmapty.

«О́zim úıimnen shyqpadym. 100-deı adam topalań kóterdi. Ne bolǵanyn da túsinbeı qaldyq. Qamsyz otyrǵan edik. Polıeılerdiń de qaýqary jetpeı qaldy», – deıdi aýyl turǵyny.

Jibek joly aýylyndaǵy dúrbeleń 14 jastaǵy qyzǵa 11-synyp oqýshysy tıisti degen habardan soń bastalǵan. Turǵyndar gúl dúkenine kelgen qyzǵa jigittiń qyryndaǵanyn aıtady. Sóıtip qyzdan telefon nómirin suraǵanyn. Al, daý jigit qyzdy zorlamaqshy boldy degen aqparattan soń týǵan. Qyzdyń da, jigittiń de ata-anasynan suqbat alý múmkin bolmady. Turǵyndar sózinshe jigittiń týystarynyń úıine shabýyl jasalǵan. Al jigittiń ózi qazir qamaýda. Janjaldan keıin qamaýǵa alynǵandardyń taǵy biri 19 jastaǵy Tımýr Ergeshov. Olardyń báriniń úı mańynda polıeıler tur.

«Balamdy quzyrly organ ókilderi jumys ornynan alyp ketken. Besinshi kún boldy jatqanyna. Áli kórsetpeıdi. Kirýge bolmaıdy deıdi. О́z balamdy ózime kórsetpeı jatyr bular. Kúnde baram-kelem. Erteń kel, erteń kel deıdi. Ne istese de moınymen kótersin. Bul jerde 30-40 bala bar. Biraq, bir ǵana meniń balamdy qamap tastaǵan. Shyndyq joq bul jerde», – deıdi Tımýr Ergeshovtiń ákesi Erkin Andakýlov.

Aıta keteıik, ákimdik aýylda 17 ult ókili turatynyn málimdedi. Olardyń basym bóligi qazaqtar, ózbekter, ázirbaıjandar eken. Oqıǵadan soń aýylda shtab da qurylyp, oblys ákimdiginiń jaýaptylary da kelgen. Qazir aýyldy quqyq qorǵaý ókilderi baqylap júr.

Turǵyndar jábirlengen ázirbaıjan ultynyń ókilderi Ázirbaıjan Respýblıkasynyń konsýldyǵynan kómek suraǵanyn aıtady. Osydan keıin Saryaǵash aýdany, Jibek joly aýylyndaǵy 16 jastaǵy mektep oqýshysy «zorlaý» jáne «qylmysqa oqtalý» kúdigimen al, 19 jastaǵy jigit “buzaqylyq» babymen qamaýǵa alyndy. Ekeýi on kúnge qamaýǵa sankııa bergen.

Eske salsaq, buǵan deıin Saryaǵashta zorlyqpen óltirilgen 5 jasar qyzdyń ákesi qylmyskerdiń úıin jermen-jeksen etýdi talap etkeni týraly jazǵan edik.