جاڭالىقتار
«14 جىلدان بەرى تۋىستارى زورلاپ كەلگەن»: تۇركىستاندىق جىگىتتىڭ وقيعاسىن تۋىستارى بايانداپ بەردى
فوتو:time.kz
تۇركىستان وبلىسى كەلەس اۋدانىنىڭ مۇگەدەكتىگى بار 24 جاسار تۇرعىنىن ون جىلدان استام ۋاقىتتان بەرى تۋىستارى زورلاپ, قورلىق كورسەتىپ كەلگەن. كۇدىكتىلەردىڭ ءبىرى قاماۋعا الىندى, دەپ جازدى qandastar.kz
بۇل تۋرالى Stan.kz اقپارات اگەنتتىگى “ۆرەميا” باسىلىمىنا سىلتەمە جاساپ حابارلايدى.
بۇل جايتتى جىگىتتىڭ اناسى كەزدەيسوق ءبىلىپ قالعان. وسى جىلدىڭ اقپانىندا ۇيىنەن اقشا جوعالىپ كەتكەن كۇلزادا ۇلىنان ءوزى جوقتا ۇيگە كىمدەر كەلىپ-كەتكەنىن سۇراي باستايدى. ۇلىن اڭگىمەگە تارتۋ كەزىندە اناسى 14 جىلدان بەرى جالعاسىپ كەلە جاتقان سۇمدىق جاعدايدىڭ انىق-قانىعىن بىلەدى.
ء«تورت بالانى جالعىز باقتىم, كۇيەۋىم 18 جىل بۇرىن بالالاردىڭ كىشكەنتاي كۇنىندە قايتىس بولدى», – دەيدى ايەل ءوزىنىڭ ازاپتى ءومىرى تۋرالى. – وسى ۇلىم مۇگەدەك بولىپ تۋىلدى, ونىڭ پسيحيكالىق دامۋدىڭ تەجەلۋى جانە باسقا دا ىلەسپە دياگنوزدارى بار. ول وتە مەيىرىمدى, ادال, قامقور جىگىت, بىراق قورعانسىز, ونى كەز كەلگەن ادام رەنجىتە الادى. سوندىقتان ونى كوزىمنەن تاسا قىلمايمىن, ءوزىم قورعاپ جۇرەمىن. ال مىنا جايتتا ۇلىمدى قورعاي المادىم”.
بالاسى اناسىنا بولعان جاعدايدى ايتىپ, اكەسى جاعىنداعى التى تۋىسقانىنىڭ اتىن اتاعان, ونىڭ ۇشەۋى – اعايىندى. ولاردىڭ ۇلكەنى 26-27 جاستا, ال كىشىسى كامەلەتتىك جاسقا تولماعان, ول نەبارى 14-تە.
“ۇلكەندەرى ۇلىما ىستەگەندەرىن ۆيدەوعا ءتۇسىرىپ, كىشىلەرىنە كورسەتكەن. كەيىن ولار دا بالاما ويىنا كەلگەنىن ىستەي باستاعان. سوڭعى ەكى زورلىق-زومبىلىق فاكتىسى 7 جانە 16 اقپاندا بولعان, ۇشەۋى بىرىنەن سوڭ ءبىرى كەلگەن! بالام قانسىراپ, بارلىق جەرى اۋىراتىنىن ايتتى”, – دەيدى كۇلزادا.
كۇلزادا قورىقانىنان بالاسىن جۇمىسىنا وزىمەن بىرگە اپارىپ ءجۇر. ايەل كوشە تازالاۋشى بولىپ جۇمىس ىستەيدى.
“بۇدان كەيىن قالاي ومىر سۇرەمىن?! كۇندىز كۇلكىدەن, تۇندە ۇيقىدان ايىرىلدىم, قان قىسىمىم كوتەرىلىپ كەتتى, ۇلىمدى ويلاپ قورقامىن. اقپاندا پوليتسياعا ارىز جازدىم. بىراق جەرگىلىكتى پوليتسيا قىزمەتكەرلەرى ەشقانداي شارا قولدانبادى. ەشكىمنەن جاۋاپ الىنعان جوق, ەشكىم ۇستالعان جوق. ال كۇيەۋىمنىڭ تۋىستارى ارىزدى قايتارىپ الۋىمدى تالاپ ەتىپ وتىر. شۋ شىعارماسىن دەپ بەس ميلليون تەڭگە ۇسىنعان. پوليتسياداعىلارمەن وزدەرى سويلەسەتىنىن ايتتى. وسىنىڭ بارىنە اقشا تابۋ ءۇشىن ولاردىڭ اكەسى ءتىپتى ءبىر ءۇيىر جىلقىسىن ساتىپ جىبەرگەن. بىراق مەن بۇعان ەشقاشان كەلىسپەيمىن”, – دەيدى زورلىق كورگەن جىگىتتىڭ اناسى.
بۇل ءىس بويىنشا تەرگەۋدى تۇركىستان وبلىسى پوليتسيا دەپارتامەنتىنىڭ جەدەل-تەرگەۋ توبى جۇرگىزىپ جاتىر, ءىستى دەپارتامەنت باسشىلىعى جەكە باقىلاۋىنا العان. بالانىڭ قۇقىعىن تەگىن قورعاپ جۇرگەن ادۆوكات گۇلايحان تۇرسۇمانوۆا وسى جايت تەرگەۋدى جەدەلدەتكەنىن ايتادى.
“ازىرگە تەرگەۋگە قاتىستى سۇراقتارىم جوق, بارلىق پروتسەدۋرا تولىق كولەمدە جۇرگىزىلىپ جاتىر, سوت-مەديتسينالىق ساراپتامالاردىڭ قورىتىندىسىن كۇتىپ وتىرمىز. كۇدىكتىلەر توبى انىقتالدى, ولاردىڭ ءبىرى ۋاقىتشا ۇستاۋ يزولياتورىنا قامالدى. قالعاندارى بويىنشا شەشىم جاقىن ارادا قابىلدانادى. دياگنوزىنا قاراماستان, كليەنتىم وزىنە كىم, قايدا جانە نە ىستەگەنىن انىق ايتىپ بەرە الادى. تەك قانا وقيعا ناقتى قاي كۇندەرى بولعانىن اتاي المايدى. قازىر ول وڭالتۋ ورتالىعىنىڭ پسيحياتر ماماندارىنا قارالىپ ءجۇر. تۇركىستان وبلىسىندا مۇنداي مامانداندىرىلعان ورتالىق جوق, سوندىقتان اناسى ونى شىمكەنتكە اپارۋعا ءماجبۇر. قازىر ونىڭ جاعدايى ءماز ەمەس, جان-جاقتان قىسىم كورسەتىلىپ جاتىر”, – دەيدى قورعاۋشى.
بۇل جايت بۇگىندە شاعىن اۋىلعا عانا ەمەس, بۇكىل ەلگە ءمالىم دەۋگە بولادى. 200 مىڭنان استام اۋديتورياسى بار قازاقستاندىق بلوگەرلەردىڭ ءبىرى YouTube ارناسىندا اناسىنىڭ بەتىن جاسىرماي, مۇگەدەك جىگىتكە جاسالعان زورلىق-زومبىلىق تۋرالى سيۋجەتتى كورسەتكەننەن كەيىن اناسى اۋدان ورتالىعىنا بارۋدان قالعان. كۇلزادانى كورگەن جاننىڭ ءبارى ءىستىڭ ءمان-جايىن بىلمەك بولىپ, مازاسىن الاتىن كورىنەدى.
“بارلىعى جان جاراڭدى تىرمالايدى, قازىردىڭ وزىندە ءوزىمدى قويارعا جەر تابا الماي ءجۇرمىن. كۇيەۋىمنىڭ تۋىستارى بىزگە ءتىپتى اۋىلدان كەتۋدى ۇسىندى. ءتىرى جانعا كورسەتكەن جاماندىعىمىز جوق, نەگە ءبىز قاشۋىمىز كەرەك?! قىلمىس جاساعاندار ەمەس, نەگە ءبىز قۋعىنعا ۇشىراۋىمىز كەرەك?”, – دەپ كۇيىنەدى كۇلزادا.
پسيحولوگ-ساراپشى گۇلجان ۆەروتسكايا ەلدى دۇرلىكتىرگەن بۇل زورلىق-زومبىلىق وقيعاسى تەرگەۋ مەن سوت ورگاندارىنىڭ نىساناسىنا اينالىپ قانا قويماي, جاعدايدى تۇبىرىمەن وزگەرتۋگە تۇرتكى بولۋى كەرەك دەپ ەسەپتەيدى.
