«14 jyldan beri týystary zorlap kelgen»: Túrkistandyq jigittiń oqıǵasyn týystary baıandap berdi

Foto:time.kz

Túrkistan oblysy Keles aýdanynyń múgedektigi bar 24 jasar turǵynyn on jyldan astam ýaqyttan beri týystary zorlap, qorlyq kórsetip kelgen. Kúdiktilerdiń biri qamaýǵa alyndy, dep jazdy qandastar.kz

Bul týraly Stan.kz aqparat agenttigi “Vremıa” basylymyna silteme jasap habarlaıdy.

Bul jaıtty jigittiń anasy kezdeısoq bilip qalǵan. Osy jyldyń aqpanynda úıinen aqsha joǵalyp ketken Kúlzada ulynan ózi joqta úıge kimder kelip-ketkenin suraı bastaıdy. Ulyn áńgimege tartý kezinde anasy 14 jyldan beri jalǵasyp kele jatqan sumdyq jaǵdaıdyń anyq-qanyǵyn biledi.

«Tórt balany jalǵyz baqtym, kúıeýim 18 jyl buryn balalardyń kishkentaı kúninde qaıtys boldy», –  deıdi áıel óziniń azapty ómiri týraly. –  Osy ulym múgedek bolyp týyldy, onyń psıhıkalyq damýdyń tejelýi jáne basqa da ilespe dıagnozdary bar. Ol óte meıirimdi, adal, qamqor jigit, biraq qorǵansyz, ony kez kelgen adam renjite alady. Sondyqtan ony kózimnen tasa qylmaımyn, ózim qorǵap júremin. Al myna jaıtta ulymdy qorǵaı almadym”.

Balasy anasyna bolǵan jaǵdaıdy aıtyp, ákesi jaǵyndaǵy alty týysqanynyń atyn ataǵan, onyń úsheýi – aǵaıyndy. Olardyń úlkeni 26-27 jasta, al kishisi kámelettik jasqa tolmaǵan, ol nebári 14-te.

“Úlkenderi ulyma istegenderin vıdeoǵa túsirip, kishilerine kórsetken. Keıin olar da balama oıyna kelgenin isteı bastaǵan. Sońǵy eki zorlyq-zombylyq faktisi 7 jáne 16 aqpanda bolǵan, úsheýi birinen soń biri kelgen! Balam qansyrap, barlyq jeri aýyratynyn aıtty”, – deıdi Kúlzada.

Kúlzada qoryqanynan balasyn jumysyna ózimen birge aparyp júr. Áıel kóshe tazalaýshy bolyp jumys isteıdi.

“Budan keıin qalaı ómir súremin?! Kúndiz kúlkiden, túnde uıqydan aıyryldym, qan qysymym kóterilip ketti, ulymdy oılap qorqamyn. Aqpanda polıııaǵa aryz jazdym. Biraq jergilikti polıııa qyzmetkerleri eshqandaı shara qoldanbady. Eshkimnen jaýap alynǵan joq, eshkim ustalǵan joq. Al kúıeýimniń týystary aryzdy qaıtaryp alýymdy talap etip otyr. Shý shyǵarmasyn dep bes mıllıon teńge usynǵan. Polıııadaǵylarmen ózderi sóılesetinin aıtty. Osynyń bárine aqsha tabý úshin olardyń ákesi tipti bir úıir jylqysyn satyp jibergen. Biraq men buǵan eshqashan kelispeımin”, – deıdi zorlyq kórgen jigittiń anasy.

Bul is boıynsha tergeýdi Túrkistan oblysy polıııa departamentiniń jedel-tergeý toby júrgizip jatyr, isti departament basshylyǵy jeke baqylaýyna alǵan. Balanyń quqyǵyn tegin qorǵap júrgen advokat Gúlaıhan Tursumanova osy jaıt tergeýdi jedeldetkenin aıtady.

“Ázirge tergeýge qatysty suraqtarym joq, barlyq proedýra tolyq kólemde júrgizilip jatyr, sot-medıınalyq saraptamalardyń qorytyndysyn kútip otyrmyz. Kúdiktiler toby anyqtaldy, olardyń biri ýaqytsha ustaý ızolıatoryna qamaldy. Qalǵandary boıynsha sheshim jaqyn arada qabyldanady. Dıagnozyna qaramastan, klıentim ózine kim, qaıda jáne ne istegenin anyq aıtyp bere alady. Tek qana oqıǵa naqty qaı kúnderi bolǵanyn ataı almaıdy. Qazir ol ońaltý ortalyǵynyń psıhıatr mamandaryna qaralyp júr. Túrkistan oblysynda mundaı mamandandyrylǵan ortalyq joq, sondyqtan anasy ony Shymkentke aparýǵa májbúr. Qazir onyń jaǵdaıy máz emes, jan-jaqtan qysym kórsetilip jatyr”, – deıdi qorǵaýshy.

Bul jaıt búginde shaǵyn aýylǵa ǵana emes, búkil elge málim deýge bolady. 200 myńnan astam aýdıtorııasy bar qazaqstandyq blogerlerdiń biri YouTube arnasynda anasynyń betin jasyrmaı, múgedek jigitke jasalǵan zorlyq-zombylyq týraly sıýjetti kórsetkennen keıin anasy aýdan ortalyǵyna barýdan qalǵan. Kúlzadany kórgen jannyń bári istiń mán-jaıyn bilmek bolyp, mazasyn alatyn kórinedi.

“Barlyǵy jan jarańdy tyrmalaıdy, qazirdiń ózinde ózimdi qoıarǵa jer taba almaı júrmin. Kúıeýimniń týystary bizge tipti aýyldan ketýdi usyndy. Tiri janǵa kórsetken jamandyǵymyz joq, nege biz qashýymyz kerek?! Qylmys jasaǵandar emes, nege biz qýǵynǵa ushyraýymyz kerek?”, – dep kúıinedi Kúlzada.

Psıholog-sarapshy Gúljan Verokaıa eldi dúrliktirgen bul zorlyq-zombylyq oqıǵasy tergeý men sot organdarynyń nysanasyna aınalyp qana qoımaı, jaǵdaıdy túbirimen ózgertýge túrtki bolýy kerek dep esepteıdi.