«15 mln 500 myń teńge»: Astana ákimdigi jezókshelerge tender jarııalady

Foto: abai.kz

Astana qalasynyń qoǵamdyq densaýlyq saqtaý basqarmasy seks-jumyskerler arasynda AITV-nyń aldyn alý boıynsha 17 mıllıon teńgeden astam kelisimsharttyń mán-jaıyn túsindirdi, dep habarlaıdy qandastar.kz Skifnews.kz aqparat portalyna silteme jasap.

Orda.kz habarlaǵandaı, buǵan deıin Astana qalasynyń qoǵamdyq densaýlyq saqtaý basqarmasy 17 106 607 teńge qarajatty  «jezóksheler arasynda AITV-nyń aldyn alýǵa baǵyttalǵan is-sharalar uıymdastyrý jáne ótkizý» týraly shart jasasqany anyqtalǵan.

Basqarma seks-jumyskerlerdi derbes esepke alý júrgizilmeıtinin túsindirdi. Tek profılaktıkalyq is-sharalar barysynda alynǵan derekter jazylady. Biraq anonımdik pen qupııalyq jeke kodtaý júıesi arqyly qamtamasyz etiledi.

Derekterdi jınaý jyljymaly senim pýnktteriniń, AITV-ınfekııasynyń aldyn alý ortalyǵy mamandarynyń reıdteriniń kómegimen júzege asyrylady. Prezervatıvter men keńes berýden basqa, táýekel tobyndaǵy adamdarǵa antıretrovırýstyq profılaktıka usynylady.

Basqarma 2022 jyldan bastap AITV-nyń aldyn alý boıynsha ÚEU-men sharttar jasasady. Jalpy, mundaı is-sharalardy memleket 1997 jyldan bastap halyqaralyq uıymdardyń qoldaýymen qarjylandyrady. Bul AITV-nyń taralýynyń aldyn alýǵa múmkindik beredi.

Sońǵy jyldary AITV-nyń qorǵalmaǵan jynystyq qatynas arqyly taralý úrdisi joǵarylady. Bul júkti áıelder men olardyń balalaryna vırýstyń taralý qaýpin arttyrady.

Sondaı-aq vedomstvonyń jaýabynda QR «Halyq densaýlyǵy jáne densaýlyq saqtaý júıesi týraly» kodeksiniń 99-babyna sáıkes AITV-nyń aldyn alý memlekettik áleýmettik tapsyrystar men granttar arqyly qarjylandyrylatyny aıtylǵan. Jergilikti densaýlyq saqtaý organdary osyndaı baǵdarlamalardyń iske asyrylýyn qalyptastyrýǵa, monıtorıngteýge jáne baǵalaýǵa mindetti.

Memleket qoǵamdyq densaýlyqty qorǵaý jáne JITS-ten bolatyn ólimdi azaıtý maqsatynda áleýmettik mańyzy bar aýrýlardyń, onyń ishinde AITV-ınfekııasynyń aldyn alý, dıagnostıkalaý jáne emdeýdi qarjylandyrý boıynsha mindettemelerdi ózine alady.