جاڭالىقتار
15 جاسار قىزدى تۋعان اكەسى زورلاپ كەلگەن: قىزدىڭ اناسى كۇيەۋىن كەشىرىپ, ارىزىن قايتىپ الدى
فوتو:اشىق دەرەككوز
الماتى وبلىسىندا 15 جاسار قىزدى تۋعان اكەسى زورلاپ كەلگەن. قىزدىڭ اناسى ەرىكتىلەردەن كومەك سۇراپ, كۇدىكتى قاماۋعا الىنعان. الايدا ارتىنشا اناسى كۇيەۋىن كەشىرىپ, زورلىق جاعدايىن جىلى جاۋىپ قويعان. بۇل تۋرالى qandastar.kz اقپارات اگەنتتىگى ۆرەميا باسىلىمىنا سىلتەمە جاساپ حابارلايدى.
15 جاسار قىزدىڭ اناسى قوعام بەلسەندىلەرىنەن كومەك سۇراعان. قىز بىرنەشە جىل بويى اكەسى ونى زورلاپ كەلگەنىن مويىندادى. وقيعاعا ەرىكتىلەر تارتىلىپ, ولار زاڭگەرلەرمەن, بالالار ومبۋدسمەندەرىمەن جانە پوليتسيامەن بايلانىسقان.
ء«ادىل» قوعامدىق قورىنىڭ جەتەكشىسى وكسانا مارالوۆا وقيعانىڭ قالاي بولعانىن ايتىپ بەردى. اناسى مەن قىزى وتباسىندا قورقىنىشتى نارسە بولعانىن مويىنداپ قوردان كومەك سۇراعان.
«بۇل كوپ بالالى وتباسى. زارداپ شەككەن قىزدىڭ ۇلكەنى. اناسى ۇيدە بولماعان كەزدە, قىز وزىنەن كىشىلەرگە قاراپ ۇيدە ءجيى قالاتىن بولعان. سوڭعى رەت كەلىنشەك بىشكەككە كەتەر كەزدە قىزى “كەتپەشى, اكەم مەنى تاعى دا رەنجىتەدى” دەپ اناسىنا جالىنىپتى”, – دەيدى وكسانا مارالوۆا.
قىزدىڭ اناسى وقيعا تۋرالى قوعام بەلسەندىسىنە ءوزى ايتىپ بەرگەن.
“قىزىم كوپتەن بەرى قورقىپ, ايتا الماي جۇرگەنىن, ايتۋعا وقتالعاندا اكەسى جانىمىزعا كەلىپ الاتىنىن ايتتى. اكەسىمەن جالعىز قالماۋ ءۇشىن ۇنەمى دالاعا شىعىپ كەتۋگە تىرىسادى. بىلسەم, دەرەۋ ارىز جازار ەدىم. بىراق ول مەن دە ۇرىپ-سوعۋى مۇمكىن”, – دەپ ءبولىسىپتى كەلىنشەك وقيعاسىمەن.
اناسىنىڭ سوزىنشە قىزعا قاتىستى العاشقى زورلىق-زومبىلىق وقيعاسى, ونىڭ ايتۋىنشا, بەس جاسىندا بولعان.
“قىزىن شەشىندىرىپ, زورلاپ, بىرەۋگە ايتساڭ, سەنى جانە اناڭدى ولتىرەمىن دەپ قورقىتقان. ماس كەزىندە دە, ساۋ كەزىندە دە زورلىق ءجيى قايتالانىپ وتىرعان. ءتىپتى وتباسىنداعى كىشى قىزدار دا وقيعانىڭ كۋاسى بولىپتى”, – دەيدى وكسانا.
ءتىپتى قىزداردىڭ وقيعانىڭ قالاي بولعانىن ايتىپ بەرگەن اۋديوسى دا بار. زارداپ شەككەن قىزدىڭ سىڭلىلەرىنىڭ بىرى اكەسىنىڭ ارەكەتىن ەسكە ساقتاپ قالىپتى.
«مەن ۇيىقتاپ جاتقانمىن, اكەم مارزياعا (اتى وزگەرتىلدى) جاقىنداعاندا وياندىم. «تۇر» دەدى. ول تۇرعىسى كەلمەدى. اكەم ونىڭ شالبارىن شەشىپ, قابىرعاعا تىرەدى. سوسىن شەشىنىپ توسەككە جاتقىزدى. ول جىلادى, اكەم «اۋىزىڭدى جاپ» دەدى” دەلىنگەن اۋديودا. وسىدان كەيىن اكەسى قىزدىڭ ۇستىنە جاتىپ, كورپە جامىلىپ العان”, – دەيدى وكسانا.
قىز نە دوستارىنا, نە مۇعالىمدەرىنە, نە مەكتەپ پسيحولوگىنا شاعىمدانبادى. ەرەسەكتەردىڭ ەشقايسىسى, ونىڭ ىشىندە ءوز اناسى دا ونىڭ مىنەز-قۇلقىنداعى وزگەرىستەردى بايقامادى.
«اكەڭنىڭ جازالانعانىن قالايسىڭ با?” دەگەن ەرىكتىلەردىڭ سۇراعىنا “مەن مۇنىڭ توقتاعانىن قالايمىن” دەپ جاۋاپ بەرگەن قىز.
قوعام بەلسەندىلەرى ارىز جازۋ ءۇشىن الماتى وبلىسى ىلە اۋداندىق ىشكى ىستەر بولىمىنە بارعان. سول جەردە قىزبەن پسيحولوگ سويلەسكەن. پسيحولوگ قىزدىڭ وقيعانى ناقتى ايتىپ بەرگەنىن, شىندىققا جاناساتىنىن ءتۇسىندىردى.
پوليتسەيلەر كەشىكتىرمەي, ءتىپتى كۇدىكتىنى ۇستادى. العاشقى زورلىق-زومبىلىق وقيعاسى الماتىنىڭ الاتاۋ اۋدانىندا ورىن العانى بەلگىلى بولدى. ەرتەسى كۇنى قىزعا ساراپتاما جاسالۋى كەرەك بولاتىن. الايدا اناسى تەلەفونىن الماي قويعان.
«تاڭەرتەڭ مەن قىزدىڭ اناسىنا قوڭىراۋ شالا باستادىم, تەلەفونى ءسوندىرۋلى بولدى. مەن قىزعا حابارلاستىم. ول اناسىنىڭ پوليتسيادا كەتكەنىن, ءوزى ۇيدە كىشكەنتايلارعا قاراپ قالعانىن ايتتى. كەلىنشەك ارىزدى الۋ ءۇشىن قايىن ەنەسىمەن بىرگە پوليتسياعا بارعان. ونىڭ كۇيەۋىن كەشىرگەنىن ءتۇسىندىم. ەر ادامعا تاعىلعان ايىپتار الىنىپ تاستالىپ, ول بوساتىلعان. باستاپقىدا كۇيەۋىنىڭ ەنەسىنىڭ ۇيىندە تۇراتىنى, قىزىنا جاقىندامايتىنىن ايتقان. الايدا كۇيەۋىنىڭ ۇيگە قايتىپ كەلگەنى بەلگىلى بولدى”, – دەيدى وكسانا مارالوۆا.
ەسكە سالساق, وسىعان دەيىن تۇركىستان وبلىسىندا نيكاب كيگەن قىز 13 جاسىنان باستاپ «ۆاححابيت» تانىسىنىڭ زورلاپ كەلگەنىن ايتقان ەدى.
