15 jasar qyzdy týǵan ákesi zorlap kelgen: Qyzdyń anasy kúıeýin keshirip, aryzyn qaıtyp aldy

Foto:ashyq derekkóz

Almaty oblysynda 15 jasar qyzdy týǵan ákesi zorlap kelgen. Qyzdyń anasy eriktilerden kómek surap, kúdikti qamaýǵa alynǵan. Alaıda artynsha anasy kúıeýin keshirip, zorlyq jaǵdaıyn jyly jaýyp qoıǵan. Bul týraly qandastar.kz aqparat agenttigi Vremıa basylymyna silteme jasap habarlaıdy.

15 jasar qyzdyń anasy qoǵam belsendilerinen kómek suraǵan. Qyz birneshe jyl boıy ákesi ony zorlap kelgenin moıyndady. Oqıǵaǵa eriktiler tartylyp, olar zańgerlermen, balalar ombýdsmenderimen jáne polıııamen baılanysqan.

«Ádil» qoǵamdyq qorynyń jetekshisi Oksana Maralova oqıǵanyń qalaı bolǵanyn aıtyp berdi. Anasy men qyzy otbasynda qorqynyshty nárse bolǵanyn moıyndap qordan kómek suraǵan.

«Bul kóp balaly otbasy. Zardap shekken qyzdyń úlkeni. Anasy úıde bolmaǵan kezde, qyz ózinen kishilerge qarap úıde jıi qalatyn bolǵan. Sońǵy ret kelinshek Bishkekke keter kezde qyzy “Ketpeshi, ákem meni taǵy da renjitedi” dep anasyna jalynypty”, – deıdi Oksana Maralova.

Qyzdyń anasy oqıǵa týraly qoǵam belsendisine ózi aıtyp bergen.

“Qyzym kópten beri qorqyp, aıta almaı júrgenin, aıtýǵa oqtalǵanda ákesi janymyzǵa kelip alatynyn aıtty. Ákesimen jalǵyz qalmaý úshin únemi dalaǵa shyǵyp ketýge tyrysady. Bilsem, dereý aryz jazar edim. Biraq ol men de uryp-soǵýy múmkin”, – dep bólisipti kelinshek oqıǵasymen.

Anasynyń sózinshe qyzǵa qatysty alǵashqy zorlyq-zombylyq oqıǵasy, onyń aıtýynsha, bes jasynda bolǵan.

“Qyzyn sheshindirip, zorlap, bireýge aıtsań, seni jáne anańdy óltiremin dep qorqytqan. Mas kezinde de, saý kezinde de zorlyq jıi qaıtalanyp otyrǵan. Tipti otbasyndaǵy kishi qyzdar da oqıǵanyń kýási bolypty”, – deıdi Oksana.

Tipti qyzdardyń oqıǵanyń qalaı bolǵanyn aıtyp bergen aýdıosy da bar. Zardap shekken qyzdyń sińlileriniń biri ákesiniń áreketin eske saqtap qalypty.

«Men uıyqtap jatqanmyn, ákem Márzııaǵa (aty ózgertildi) jaqyndaǵanda oıandym. «Tur» dedi. Ol turǵysy kelmedi. Ákem onyń shalbaryn sheship, qabyrǵaǵa tiredi. Sosyn sheshinip tósekke jatqyzdy. Ol jylady, ákem «Aýyzyńdy jap» dedi” delingen aýdıoda. Osydan keıin ákesi qyzdyń ústine jatyp, kórpe jamylyp alǵan”, – deıdi Oksana.

Qyz ne dostaryna, ne muǵalimderine, ne mektep psıhologyna shaǵymdanbady. Eresekterdiń eshqaısysy, onyń ishinde óz anasy da onyń minez-qulqyndaǵy ózgeristerdi baıqamady.

«Ákeńniń jazalanǵanyn qalaısyń ba?” degen eriktilerdiń suraǵyna “Men munyń toqtaǵanyn qalaımyn” dep jaýap bergen qyz.

Qoǵam belsendileri aryz jazý úshin Almaty oblysy Ile aýdandyq ishki ister bólimine barǵan. Sol jerde qyzben psıholog sóılesken. Psıholog qyzdyń oqıǵany naqty aıtyp bergenin, shyndyqqa janasatynyn túsindirdi.

Polıeıler keshiktirmeı, tipti kúdiktini ustady. Alǵashqy zorlyq-zombylyq oqıǵasy Almatynyń Alataý aýdanynda oryn alǵany belgili boldy. Ertesi kúni qyzǵa saraptama jasalýy kerek bolatyn. Alaıda anasy telefonyn almaı qoıǵan.

«Tańerteń men qyzdyń anasyna qońyraý shala bastadym, telefony sóndirýli boldy. Men qyzǵa habarlastym. Ol anasynyń polıııada ketkenin, ózi úıde kishkentaılarǵa qarap qalǵanyn aıtty. Kelinshek aryzdy alý úshin qaıyn enesimen birge polıııaǵa barǵan. Onyń kúıeýin keshirgenin túsindim. Er adamǵa taǵylǵan aıyptar alynyp tastalyp, ol bosatylǵan. Bastapqyda kúıeýiniń enesiniń úıinde turatyny, qyzyna jaqyndamaıtynyn aıtqan. Alaıda kúıeýiniń úıge qaıtyp kelgeni belgili boldy”, – deıdi Oksana Maralova.

Eske salsaq, osyǵan deıin Túrkistan oblysynda nıkab kıgen qyz 13 jasynan bastap «vahhabıt» tanysynyń zorlap kelgenin aıtqan edi.