«15 jastaǵy qyzǵa úılenip, júkti qylǵan»: Qyzylordada 21 jastaǵy jigit sottalyp ketti

Foto: vıdeo skrın

Qyzylorda oblysynda 21 jastaǵy jigit 15 jasar jasóspirimdi júkti qylǵany úshin 12 jylǵa sottaldy. Ol kámeletke tolmaǵan jasóspirimdi jynystyq qatynasqa ıtermelegeni úshin kináli dep tanyldy. Alaıda ata-analary sot úkimine shaǵymdanyp, eki jastyń qosylýyna qarsy emes ekenin aıtady, dep habarlaıdy qandastar.kz Informbıýro-ǵa silteme jasap.

Qyzylorda oblysynda ata-analarynyń ruqsatymen 21 jastaǵy jigit pen 15 jastaǵy qyz moldaǵa nekesin qıdyrǵan. Ata-analary Nurtileý men Aıalanyń úılený toıyn da ótkizipti. Keıin 15 jastaǵy Aıala júkti bolyp, dárigerge kóringen. Emhanadaǵylar bul aqparatty polıeılerge jetkizdi.

“Bala túsip qalatyn qaýpi bar degen soń ÝZI-ge túsirdik. Bir aptadan keıin polıııaǵa shaqyrdy. Sodan tergeý bastaldy. Úsh aı balamdy tergedi. Mynaý ánshilerdiń qyzy ketip jatyr ǵoı. Olarǵa zań joq ta, bizge kelgende zań bar ma? Balamdy pedofıl qylyp kórsetip, 12 jylǵa sottap jiberdi”, – dedi sottalýshynyń anasy Gúlbaný Áshirbaeva.

Sotqa 15 jastaǵy Aıala jábirlenýshi retinde qatysqan. Biraq Aıala Júrsin áli kúnge deıin kúıeýiniń úıinde turyp, kelindik mindetin atqaryp júr. Ol sotta óz erkimen turmysqa shyqqanyn aıtypty. Sonda da sýdıa men quzyrly organ ókilderi jigitti kináli dep tanydy.

“Men bul úkimge kelispeımin, kúıeýimdi bosatyp berińizder dedim. 15 jastan úılenip jatqandar kóp qoı. Solar baqytty bolýǵa laıyq ta, biz nege baqytty bolýǵa laıyq emespiz degen suraq bar. Ne úshin meniń kúıeýim jazyqsyzdan jazyqsyz túrmede otyr”, – dedi 15 jastaǵy Aıala Júrsin.

Úkim byltyr qarashada shyqqan. Bul is jabyq túrde qaralǵan eken.

“Nurtileý Ibragımov Qylmystyq kodeksiniń 122-baby 3-bóliginiń 1-tarmaǵy “On alty jasqa tolmaǵan adammen jynystyq qatynas nemese seksýaldyq sıpattaǵy ózge de áreketterdi jasaý” boıynsha kináli dep tanylsyn. Oǵan pedogogıkalyq laýazymdardy jáne kámeletke tolmaǵandarmen jumys isteýge ómir boıy aıyra otyryp, 12 jylǵa bas bostandyǵynan aıyrý jazasy taǵaıyndalsyn”, – dep málimdedi Qyzylorda oblysynyń qylmystyq ister jónindegi mamandandyrylǵan aýdanaralyq soty.

Appelıaııalyq sotta da 21 jastaǵy jigittiń jaqyndarynyń shaǵymy qanaǵattandyrýsyz qalǵan. Ata-analar endi joǵary sotqa júginbek.