15 جاستاعى ءجاسوسپىرىم ءوز ءۇيىنىڭ اۋلاسىندا اسىلىپ قالعان

تاراز قالاسىندا قايعىلى جاعداي تىركەلدى. 15 جاستاعى ءجاسوسپىرىم ءوز ءۇيىنىڭ اۋلاسىنداعى اعاشقا اسىلىپ قالعان كۇيى تابىلعان, دەپ حابارلادى Qandastar.kz. 

قايعىلى وقيعاعا نە سەبەپ بولعانىن قازىر قۇزىرلى ورگاندار انىقتاپ جاتىر. رەسمي ەمەس مالىمەتكە سۇيەنسەك, ءجاسوسپىرىمنىڭ مۇنداي قادامعا بارۋىنا تۋعان قارىنداسىمەن بولعان جانجال سەبەپ بولۋى مۇمكىن. ول ىنىسىمەن ءموبيلدى ويىن ءۇشىن ۇرسىپ قالىپ, اناسىنان شاعىمداناتىنىن ايتقان. وسىدان سوڭ بوزبالا ءوز-وزىنە قول جۇمساعان.

HALYQSTAN ءتىلشىسىنىڭ انىقتاۋىنشا, مارقۇم تارازداعى №27 مەكتەپتىڭ وقۋشىسى بولعان. وتباسى تولىق ەمەس: اناسى – جۇمىسسىز, ال اكەسى اجىراسقان سوڭ بولەك تۇرادى. ۇيدە مارقۇمنان بولەك تاعى ءۇش كىشكەنتاي بالا تاربيەلەنىپ جاتىر. ءجاسوسپىرىم – ولاردىڭ تۇڭعىشى.

كورشىلەرىنىڭ ايتۋىنشا, سول كۇنى ول قارىنداسىمەن سوزگە كەلىپ, ونى ۇرىپ جىبەرگەن. قارىنداسى بۇل جاعدايدى اناسىنا ايتاتىنىن ايتىپ, قورقىتقان. ءبىراز ۋاقىتتان كەيىن قىز بالا ءوز اعاسىن اۋلادا اسىلىپ تۇرعان جەرىنەن كورىپ, جەدەل جاردەم شاقىرعان. كەيبىر بولجامدارعا سايكەس, ءجاسوسپىرىم شىن مانىندە ومىرىمەن قوشتاسقىسى كەلمەگەن, تەك قارىنداسىن قورقىتپاق بولعان. الايدا ءبارى قايعىلى اياقتالعان.

قازىر بۇل جاعداي بويىنشا تەرگەۋ امالدارى ءجۇرىپ جاتىر. قىلمىستىق ءىس قر قك 105-بابى ء(“وزiن-ءوزi ولتiرۋگە دەيiن جەتكiزۋ”) بويىنشا قوزعالدى.