15 jastaǵy jasóspirim óz úıiniń aýlasynda asylyp qalǵan

Taraz qalasynda qaıǵyly jaǵdaı tirkeldi. 15 jastaǵy jasóspirim óz úıiniń aýlasyndaǵy aǵashqa asylyp qalǵan kúıi tabylǵan, dep habarlady Qandastar.kz. 

Qaıǵyly oqıǵaǵa ne sebep bolǵanyn qazir quzyrly organdar anyqtap jatyr. Resmı emes málimetke súıensek, jasóspirimniń mundaı qadamǵa barýyna týǵan qaryndasymen bolǵan janjal sebep bolýy múmkin. Ol inisimen mobıldi oıyn úshin ursyp qalyp, anasynan shaǵymdanatynyn aıtqan. Osydan soń bozbala óz-ózine qol jumsaǵan.

HALYQSTAN tilshisiniń anyqtaýynsha, marqum Tarazdaǵy №27 mekteptiń oqýshysy bolǵan. Otbasy tolyq emes: anasy – jumyssyz, al ákesi ajyrasqan soń bólek turady. Úıde marqumnan bólek taǵy úsh kishkentaı bala tárbıelenip jatyr. Jasóspirim – olardyń tuńǵyshy.

Kórshileriniń aıtýynsha, sol kúni ol qaryndasymen sózge kelip, ony uryp jibergen. Qaryndasy bul jaǵdaıdy anasyna aıtatynyn aıtyp, qorqytqan. Biraz ýaqyttan keıin qyz bala óz aǵasyn aýlada asylyp turǵan jerinen kórip, jedel járdem shaqyrǵan. Keıbir boljamdarǵa sáıkes, jasóspirim shyn máninde ómirimen qoshtasqysy kelmegen, tek qaryndasyn qorqytpaq bolǵan. Alaıda bári qaıǵyly aıaqtalǵan.

Qazir bul jaǵdaı boıynsha tergeý amaldary júrip jatyr. Qylmystyq is QR QK 105-baby (“О́zin-ózi óltirýge deıin jetkizý”) boıynsha qozǵaldy.